دەپۋتاتتاردىڭ تالقىلاۋىنا ءبىرىنشى وقىلىمدا ەكولوگيالىق تازا كولىكتى تانىمال ەتۋ جانە ەلەكتروموبيلدەرگە ارنالعان ينفراقۇرىلىمدى دامىتۋ ماسەلەلەرى تۋرالى زاڭ جوباسى ۇسىنىلادى.
زاڭ جوباسى ءماجىلىس دەپۋتاتتارىنىڭ باستاماسىمەن ازىرلەندى. وندا تۇرعىن ۇيلەردى, بيزنەس ورتالىقتاردى, ساۋدا-ويىن-ساۋىق ورتالىقتارىن, قوناقۇيلەردى, قوعامدىق تاماقتانۋ ورىندارىن جانە باسقا دا نىسانداردى سالۋ كەزىندە, جول بويىندا, قوعامدىق ورىنداردا, ەرەكشە قورعالاتىن تابيعي اۋماقتاردا ەلەكتروموبيلدەردى زاريادتاۋ قۇرىلعىلارى ءۇشىن جەكەلەگەن ورىنداردى بەلگىلەۋ قاراستىرىلعان.
سونداي-اق ءماجىلىستىڭ قاراۋىنا ادامداردىڭ رەادميسسياسى تۋرالى قازاقستان-ەستونيا ۇكىمەتارالىق كەلىسىمىن راتيفيكاتسيالاۋ تۋرالى زاڭ جوباسى ەنگىزىلەدى.
الداعى جالپى وتىرىستا پالاتا كوميتەتتەرى سىبايلاس جەمقورلىققا قارسى ءىس-قيمىل ماسەلەلەرىنە قاتىستى جاڭا زاڭ جوبالارىن دا جۇمىسقا الادى.
سونىمەن قاتار دەپۋتاتتار جەكەلەگەن اۋديتورلىق ءىس-شارالاردىڭ قورىتىندىلارى بويىنشا سۋ رەسۋرستارىنىڭ باسقارىلۋ تيىمدىلىگىن تالداۋ تۋرالى جوعارى اۋديتورلىق پالاتانىڭ ەسەبىن تىندايتىن بولادى.
