جاڭا ۋنيۆەرسيتەتتىڭ اشىلار كۇنى جاقىن

كەشە پرەمەر-مينيستر كارىم ءماسىموۆتىڭ توراعالىعىمەن “استانانىڭ جاڭا ۋنيۆەرسيتەتى” اق ديرەكتورلار كەڭەسىنىڭ كەزەكتى وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىسقا قاتىسۋشىلار ۋني­ۆەرسيتەتتىڭ دايارلىق ورتالى­عىن­دا وقۋعا قابىلداۋ ەرەجەلەرىن, ونىڭ حالىقارالىق كونسۋل­تا­تيۆتىك جانە ونەركاسىپتىك كەڭەس­تەرىنىڭ قۇرامىن بەكىتتى. استانانىڭ جاڭا ۋنيۆەر­سي­تە­تىنىڭ اشىلۋى 2010 جىلدىڭ 28 ماۋسىمىنا بەلگىلەنگەن, سول كۇنى ارىپتەس ۋنيۆەرسيتەتتەر – حالىق­ارالىق جەتەكشى جوو-لارمەن ارىپتەستىك كەلىسىم-شارت­تارعا قول قويۋ جوسپارلانىپ وتىر. ءوتىنىش ءبىلدىر­گەن 3 مىڭ ابيتۋريەنتتىڭ ىشىنەن ۇزدىك دەگەن 500 ستۋدەنت ىرىكتەلىپ الىناتىن بولادى. استانانىڭ جاڭا ۋنيۆەرسيتەتى ەل پرەزيدەنتى ن.ءا.نازارباەۆتىڭ باستاماسىمەن جەدەل دامۋدى جانە ءبىلىم بەرۋ مەن عىلىم جۇيە­سىن حالىقارالىق دەڭگەيگە شىعارۋدى قامتاماسىز ەتۋ, ەلدىڭ عىلىمي-تەحنيكالىق جانە ينجە­نەرلىك ەليتاسىن قالىپتاستىرۋ ءۇشىن قۇرىلعان بولاتىن. جاڭا جوو قازاقستان رەسپۋبليكاسىنىڭ 2020 جىلعا دەيىنگى دامۋىنىڭ ستراتەگيالىق جوسپارىن جۇزەگە اسىرۋ ۇدەرىسىن كادرلار جاعىنان قامتاماسىز ەتۋ, سونداي-اق استانانىڭ ەۋرازيانىڭ باسەكەگە قابىلەتتى ادامي كاپيتالى بار عىلىمي-ءبىلىم بەرۋ جانە مادەني ورتالىعى رەتىندە قالىپتاسۋ مىندەتتەرىن شەشۋگە جاعداي جاساۋ ماقساتتارىن كوزدەيدى.