ۇلتتىق مىندەتتەمە بەستىگى

باعدارلاما بويىنشا قازاقستان تاراپى بۇۇ-نىڭ ەكى كۇندىك وتىرىسىنا قاتىسىپ, فورۋم اياسىندا جەكەلەگەن شارالار مەن ەكىجاقتى كەزدەسۋلەر ۇيىمداستىردى. ءىس-شارانىڭ العاشقى كۇنى ە.ءازىموۆا بۇۇ-دا مەملەكەت باسشىسىنىڭ 2022 جىلعى ادام قۇقىقتارى سالاسىنداعى رەفورمالارىنا نەگىزدەلگەن قازاقستاننىڭ ۇلتتىق مىندەتتەمەلەرىن ۇسىندى. وسى ورايدا ەلىمىز بەس مىندەتتەمەگە باسا نازار اۋدارىپ وتىر. ولار – بالا قۇقىقتارى تۋرالى كونۆەنتسيا­عا فاكۋلتاتيۆتىك حاتتامانى راتيفيكاتسيالاۋ ارقىلى بالالار­دىڭ قۇقىقتارىن قورعاۋ تەتىكتەرىن كەڭەيتۋ ماسەلەلەرى; ايەلدەردىڭ, بالالاردىڭ جانە باسقا دا وسال توپتاعى ادامدار­دىڭ قۇقىقتارىنا باسا نازار اۋدارا وتىرىپ, «حالىق ۇنىنە قۇلاق اساتىن مەملەكەت» تۇجىرىمداما­سىن جۇزە­گە اسىرۋدى جالعاستىرۋ; تسيفر­لاندىرۋدى ىلگەرىلەتۋگە جانە قازىرگى زامانعى تەحنولوگيالارعا قول جەتكىزۋ ءۇشىن قولايسىز جاعدايلاردى ازايتۋ جانە ازاماتتىق قوعامنىڭ ءرولى مەن قاتى­سۋىن ارتتىرۋ.

سونداي-اق ۇلتتىق مىندەتتەمە­لەر­دىڭ الدىڭعى قاتارىندا بۇۇ-نىڭ جو­عارعى كوميسسارى باسقارماسى بەكىت­­كەن ادام قۇقىقتارىن قورعاۋ كور­سەت­­­كىش­تەرىنىڭ تۇراقتى دامۋ ماق­سات­­­­تارى­­مەن قوسا ۇلتتىق ءىس-قي­مىل جوس­­­پار­­لارعا ينتەگراتسيالا­نۋىن قام­­تا­ما­­سىز ەتۋ ماسەلەسى تۇر. ءوز سوزىن­دە ە.ءازىموۆا قازاقستان ءاربىر ازامات­تىڭ تەڭ مۇم­كىن­دىكتەرى, قۇقىق­تارى جانە قورعالۋ مۇم­كىندىگى بولاتىن ينك­ليۋزيۆتى, قاۋىپسىز, ءادىل جاھان­دىق قوعام قۇرۋ شارالارىن جالعاستىراتىنىن اتاپ ءوتتى.

سونىمەن قاتار قازاقستاندىق دەلەگاتسيا باسشىسى فورۋم اياسىندا وتكەن «قازاقستاننىڭ ادام قۇقىق­تارىنىڭ جالپىعا بىردەي دەكلاراتسياسى بويىنشا مىندەتتەمەلەرى: يمپلەمەنتاتسيا جانە شىندىق» اتتى ەلىمىزدىڭ قۇقىق قور­عاۋشى ۇكىمەت­تىك ەمەس ۇيىم­دار­دىڭ ارنايى ءىس-شارا­سىن­دا ءسوز سوي­لەدى. جيىندا ە.ءازىموۆا ادام قۇقىق­تارىن قورعاۋ سالاسىن­داعى حالىق­ارا­لىق مىندەتتەمەلەردى يمپلەمەن­تا­تسيا­لاۋ بويىنشا مەملەكەت اتقار­عان جۇمىستى, ونىڭ وزەگى بولىپ ارقا­شان ادام قۇقىقتارىنىڭ جالپىعا بىردەي دەكلاراتسياسى قالا بەرەتىنىن اتاپ ءوتتى. كونستيتۋتسيالىق سوت توراعا­سى حالىقارالىق سا­راپشىلاردى مەم­لەكەت باسشىسى ۇسىنعان شارا­لار­دىڭ ءۇش پاكەتىنىڭ ىسكە اسىرىلۋ بارىسى, سونداي-اق حالىقارالىق ادام قۇقىقتارى كۇنى قارساڭىندا پرەزيدەنت جارلىعىمەن قابىلدانعان ادام قۇقىقتارى سالاسىنداعى ءىس-قيمىل جوسپارى تۋرالى حاباردار ەتتى.

سونداي-اق فورۋم اياسىندا ە.ءازى­موۆا ەۋروپالىق وداق دەلەگا­تسياسى­نىڭ باسشىسى – ادام قۇقىقتارى جونىن­دەگى ارنايى وكىل ي.گيلمور جانە ادام قۇ­قىقتارى جونىندەگى جوعارعى كوميسسار باسقارماسى كەلىسىمشارت ورگاندارى ءبولىمى باسشىسىنىڭ مىندەتىن اتقارۋشى ك.فوكسپەن كەزدەستى.