ءبىلىم بەرۋ ءىسى بىلىكتىلىكتى قالايدى

كەشە پرەمەر-مينيستر كارىم ءماسىموۆتىڭ توراعالىعىمەن قازاقستاندا ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باع­دار­لاماسىن تالقىلاۋ بويىنشا كەڭەس ءوتتى. باسقوسۋدا ءبىلىم جانە عىلىم ءمينيسترى جانسەيىت تۇيمەباەۆ مەم­لە­كەتتىك باعدارلامانىڭ جوبا­سىن جان-جاقتى تۇسىندىرە كەلە, ونىڭ ماق­ساتى ەكونوميكانىڭ جانە ازامات­تاردىڭ ءال-اۋقاتىنىڭ تۇراقتى دامۋىن قامتاماسىز ەتەتىن ءبىلىم بەرۋ جۇيەسىنىڭ باسەكەگە قا­بىلەتتىلىگىن ارتتىرۋ, ادامي كاپي­تال­دى دامىتۋ ءۇشىن ونى تۇبەگەيلى جاڭعىرتۋ بولىپ تابىلاتىندىعىن ايتتى. جيىنعا قاتىسقان ش.ءۋالي­حا­نوۆ اتىنداعى كوكشەتاۋ مەملە­كەت­تىك ۋنيۆەرسيتەتىنىڭ رەكتورى ءشا­كىر ىبىراەۆ ۇكىمەت باسشىسىنىڭ قا­تى­سۋىمەن تالقىعا تۇسكەن بۇل جوبا سا­پا­نى كوتەرۋگە, جوو-نىڭ ءوز ەرەكشە­لىكتەرىمەن دامۋىنا ءمۇم­كىن­دىك بەرەتىن قۇجات ەكەندىگىن جانە اتالعان باعدارلاما مەملە­كەتىمىزدىڭ نەگىزگى قۇجاتتارىنىڭ ءبىرى بولاتىندىعىنا سەنىمدى ەكەندىگىن ايتسا, قازاقستان جاستار كونگرەسىنىڭ اتقارۋشى ديرەكتورى نۇرلان سىدىقوۆ ءبىلىم مەن تاربيەنىڭ قاتار جۇرەتىنىن, جوو-دا تاربيە جونىندەگى مامانداردىڭ از ەكەندىگىن, اتالعان باعدارلاما جاس­تار تاربيەسىنە دە ءوز پايداسىن تي­گىزەدى دەگەن ۇمىتتە ەكەندىگىن جەتكىزدى. مەملەكەتتىك باعدارلاما شەڭ­بە­رىندە پەداگوگ مارتەبەسىن كوتەرۋ, شاعىن جيىنتىقتى مەكتەپتەردىڭ دامۋ ستراتەگياسىن جۇزەگە اسىرۋ, “e- ءlearnىng” ەلەكتروندى وقىتۋ مەن جان باسىنا شاققانداعى قار­جىلان­دىرۋ­دى (ۆاۋچەرلىك) ەنگىزۋ, ءبىلىم بەرۋدى باسقارۋ جۇيەسىن جۇرت­شىلىقتى تارتۋ ارقىلى جەتىلدىرۋ سياقتى كوپتەگەن ماسەلەلەردى شەشۋ جوسپارلانعان. پەداگوگ مارتەبەسىن كوتەرۋ ءۇشىن پەداگوگيكالىق قىزمەتكەرلەر ەڭبەگىن مەملەكەتتىك قولداۋ مەن ىنتالان­دى­رۋ­دى ارتتىرۋ قولعا الىنباق. وسى­لاي­شا 2016 جىلى جان باسىنا شاققانداعى قارجى­لاندىرۋ ارقىلى مۇعالىمدەردىڭ جەت­پىس پايىزى بىلىك­تىلىگىن ارت­تىر­ماقشى. بۇل ءوز كەزە­گىندە كاسىبي شەبەرلىك دەڭگەيى بوي­ىنشا پەدا­گوگكە قويىلاتىن تالاپ­تاردى جوعارىلاتپاق. پەداگوگتاردى دايارلاۋ جانە ولاردىڭ بىلىكتىلىگىن ارتتىرۋ ساپاسىن قامتاماسىز ەتۋدى باقىلاۋ ءۇشىن ەلىمىزدىڭ بارلىق اي­ماقتارىندا تاۋەلسىز اتتەستاتسيالىق اگەنتتىكتەر قۇرىلادى. سونداي-اق ەلىمىزدىڭ ءبىلىم بەرۋ مەكەمەلەرىندە “e- ءlearnىng” ەلەكتروندى وقىتۋ جۇيە­سى ەنگىزىلىپ, 2010-2015 جىلدار ارالىعىن­دا ءار پەداگوگ اكت قول­دانۋ بويىنشا بىلىكتىلىگىن ارتتىرۋ كۋرسىنان وتپەك. 2020 جىلعا قاراي اۋىلدىق جانە قالالىق جەرلەردە بالاباقشا تاپ­شىلىعى تولىعىمەن شەشىمىن تابا­دى. بۇل ماقساتتى جۇزەگە اسى­رۋ ءۇشىن مەكتەپكە دەيىنگى ۇيىم­داردىڭ با­لامالى – جەكە مەنشىك, وتباسىلىق, ۆەدومستۆولىق, مەم­لەكەتتىك جەلىسىن دامىتۋ كوزدەلىپ وتىر. وسى باعىتتا باسىم مىندەت “بالاپان” مەملەكەتتىك باعدار­لاما­سىنا ارتىلۋدا. وعان قوسا, وقۋ باعدارلامالارى جاڭار­تىلىپ, وقۋ ادىستەمەلىك كەشەندەر ءازىر­لەنبەك. وتىرىستى قورتىندىلاي كەلە ۇكىمەت باسشىسى باعدارلاما جوبا­سىنىڭ جاقسى ەكەنىن, ەلىمىزدىڭ ءاربىر ازاماتى بۇل باعدارلامانى تالقىلاۋعا قاتىسۋى كەرەكتىگىن اتادى. سونداي-اق ول قازاقستانداعى ءبىلىم بەرۋدى دا­مىتۋدىڭ 2011-2020 جىلدارعا ارنال­عان مەملەكەتتىك باعدارلاماسىن ەكى ايدىڭ ىشىندە پىسىقتاۋدى تاپسىردى. ءابدىراحمان قىدىربەك.