aqparatqogam
كەزدەسۋ بارىسىندا قازاقستان مەن اقش-تا ىسكە اسىرىلىپ جاتقان باعدارلامالار مەن باستامالار شەڭبەرىندەگى ىنتىماقتاستىقتىڭ وزەكتى ماسەلەلەرى تالقىلانىپ, ءوزارا ءىس-قيمىلدىڭ ءتۇرلى اسپەكتىلەرىنە, سونىڭ ىشىندە مادەني جانە اقپاراتتىق جوبالار سارالاندى. ايدا بالاەۆا ەلشىگە اقپارات, مادەنيەت, ءدىن جانە ازاماتتىق قوعام سالاسىنداعى بەلسەندى ءارى جەمىستى ىنتىماقتاستىعى ءۇشىن العىس ءبىلدىرىپ, «ماسس-مەديا تۋرالى» زاڭ جوباسىمەن تانىستىردى.
ء«بىز ديالوگقا اشىقپىز. ءبىزدىڭ تاريحىمىز بەن مادەنيەتىمىز وتە باي, ءبىز ولاردى شەتەلدە تانىمال ەتۋ ستراتەگيالىق مىندەتىن قويىپ وتىرمىز. وسىعان بايلانىستى قازاقستاننىڭ امەريكاداعى مادەنيەت كۇندەرىن ۇيىمداستىرۋ, قازاق حالقىنىڭ ەجەلگى تاريحى مەن مۋزەي-قورىقتار تۋرالى دەرەكتى فيلمدەر سەرياسىن اعىلشىن تىلىندە جاساۋ جونىندەگى جوبانى ىسكە اسىرۋعا ۇسىنىس ايتقىم كەلەدى. بۇل جوبالار مادەني-گۋمانيتارلىق سالاداعى ىنتىماقتاستىعىمىزدى تەرەڭدەتۋگە جانە مادەني مۇرانى ناسيحاتتاۋعا, عالىمدارعا ەلىمىزدىڭ تاريحي-مادەني مۇراسىن زەرتتەۋگە ىقپال ەتۋگە, قازاقستانعا تۋريستەردى تارتۋعا وراسان زور مۋلتيپليكاتيۆتىك اسەر بەرەتىنىنە سەنىمدىمىن», دەدى مينيستر.
«ەلشىلىك مينيسترلىكتىڭ جەرگىلىكتى جانە قازاق ءتىلدى باق-پەن مادەني كونتەنتتى كەڭەيتۋ جونىندەگى جۇمىسىن قولدايدى. سىزدەردى QazaqForum-دا كورەمىز دەگەن ۇمىتتەمىز. فورۋم 2024 جىلى مادەني بايلانىستار مەن قازاق ءتىلىن دامىتۋ ماقساتىندا جەتىنشى رەت ۇيىمداستىرىلادى», دەدى دەنيەل روزەنبليۋم. كەزدەسۋدى قورىتىندىلاعان قوس تاراپ قازاقستان مەن اقش اراسىنداعى مادەنيەت پەن اقپارات ورىسىندەگى ىنتىماقتاستىقتى تەرەڭدەي دامىتۋعا ۋاعدالاستى.
