قىزىلوردا وبلىسىنىڭ پروكۋراتۋراسىنىڭ مالىمدەۋىنشە, پروكۋرورلار بيۋدجەت قاراجاتىن ءبىلىم بەرۋ جۇيەسىندە جۇمىس ىستەمەيتىن تۇلعالاردىڭ ەسەپشوتىنا زاڭسىز اۋدارۋ فاكتىلەرىن انىقتاعان.
سونىمەن قاتار, جالعان ەڭبەككە جارامسىزدىق پاراعى مەن ءىسساپار شىعىندارى بويىنشا بيۋدجەت قاراجاتىن جىمقىرۋ سحەماسى اشكەرەلەندى.
اۋداندىق ءبىلىم ءبولىمىنىڭ لاۋازىمدى تۇلعالارىنىڭ ارەكەتتەرىنەن كەلتىرىلگەن شىعىننىڭ جالپى 200 ملن تەڭگەنى قۇرادى.
اتالعان فاكتى بويىنشا وبلىستىق پروكۋراتۋرا قىلمىستىق كودەكستىڭ 189-بابىنىڭ 4-بولىگىنىڭ 2-تارماعى بويىنشا سوتقا دەيىنگى تەرگەپ-تەكسەرۋدى باستادى.
ايتا كەتەيىك, بۇعان دەيىن پروكۋرورلار سول اۋدانداعى مەكتەپتەردىڭ ەسەپشىلەرى مەكتەپتەردە جۇمىس ىستەمەيتىن تۇلعالاردىڭ ەسەپ شوتتارىنا زاڭسىز اقشا اۋدارىپ, جىمقىرعانىن انىقتاعان بولاتىن.
ولارعا قاتىستى قىلمىستىق ىستەر سوتقا جىبەرىلىپ, كەيبىرىنە قاتىستى ايىپتاۋ ۇكىمى شىعارىلدى.
