ءجۋرناليستتىڭ جازباسىنا قاراعاندا, تۇرىك كاسىپكەرىنىڭ ەسىمى - لەرا. ول جازدا انتالياعا بارعان گۇلميرا ابىقايعا وسى جايتتى اڭگىمەلەپ بەرگەن.
«وقيعا بىلاي وربىگەن, لەرا 26 جىلدان بەرى تۇركيادا تۇرادى. جىلجىمايتىن م ۇلىك ساتىپ, جالعا كولىك بەرۋمەن اينالىسادى. تەڭىز جاعالاۋىنداعى شاھارعا قازاقستان انشىلەرىنىڭ لەگى اتتانعاندا, جارنامالىق ۇسىنىسپەن كوكەەۆپەن تانىسادى. “قاسىندا جۇبايى, جانىندا 5-6 بالاسى بار ەكەن, ۇلگىلى اكە رەتىندە كوردىم” دەيدى لەرا.
بىلتىر ءانشى لەرادان جالعا كولىك الادى. وتباسى, بالا-شاعاسىمەن ءبىر شاراعا بارىپ, ماس كۇيىندە موتو جۇرگىزۋشىنى قاعىپ كەتەدى», - دەلىنگەن اۆتوردىڭ جازباسىندا.
ەسى شىققان ەرلان كوكەەۆ لەرادان كومەك سۇرايدى, ول تانىستارىن سالىپ, ساقتاندىرۋ اقىسىن تولەپ, ءانشىنى كەپىلگە شىعارىپ الادى.
جاپا شەككەن تۇركيا ازاماتى, جاس جىگىت اۋىر جاعدايدا اۋرۋحاناعا جەتكىزىلەدى. ءبارىبىر دەنساۋلىعى وڭالماي, قازىر مۇگەدەك بولىپ قالعانىن ايتقان لەرا.
«تۇركيا زاڭى بويىنشا, جول-كولىك وقيعاسىنىڭ بارلىق شىعىنىن رۋلدەگى جۇرگىزۋشى ەمەس, كولىك راسىمدەلگەن يەسى كوتەرەدى. “كولىك پەن مەديتسينالىق ساقتاندىرۋ, كەپىل اقىسى مەن سوت وتىرىسىنىڭ شىعىنى 34 مىڭ ەۆرو بولدى. ونى وتەگەنشە ەرلان مەن ايەلى جانىمنان شىقپاي, ولەردەگى سوزدەرىن ايتىپ, اراشالاۋىن ءوتىندى. العاشقى شىعىنداردى وتەگەن سوڭ كوكەەۆ كولەڭكەسىن كورسەتپەي كەتتى” دەپ نازىن ءبىلدىردى لەرا.
باسىندا تەلەفونىن الماي, كەيىن لەرانىڭ ءنومىرىن مۇلدەم بۇعاتتاپ, ءوزى قازاقستانعا تايىپ تۇرسا كەرەك
قازىر بۇكىل الانيا "ابك" توبىنىڭ ەكس-ءانشىسىن شارق ۇرىپ ىزدەپ ءجۇر», - دەپ جازدى گۇلميرا ابىقاي.
سودان كەيىن جۋرناليست ەلگە ورالعان سوڭ, ەرلان كوكەەۆكە 2-3 رەت حابارلاسقان, تەلەفوندى كوتەرگەن كومەكشىسى ول جول-كولىك وقيعاسى جايلى بىلمەيتىنىن ايتىپتى.
