ىشكى ىستەر ءمينيسترى ەرجان سادەنوۆ قۋاندىق بيشىمباەۆتىڭ قىلمىستىق ىسىنە قاتىستى جۋرناليستەردىڭ ساۋالىنا جاۋاپ بەردى.
″جەلىدە قازا تاپقان سالتانات نۇكەنوۆا مەن قاماۋعا الىنعان قۋاندىق بيشىمباەۆتىڭ بۇرىنعى حات الماسۋىنىڭ سكرينشوتى پايدا بولدى. بۇل اقپاراتتىڭ تارالىپ كەتۋىن قالاي تۇسىندىرەسىز؟" دەپ سۇرادى باق وكىلدەرى.
"وسىعان دەيىن ايتىلعانداي, كۇدىكتىلەر قاماۋدا. تەرگەۋ جۇرگىزىلىپ جاتىر. بىرقاتار ساراپتاما تاعايىندالدى. بارلىق دالەلدى بازا قولدا بار. سوندىقتان دا ونىڭ قورىتىندىسى بويىنشا ءىستى سوتقا جولدايمىز", - دەدى مينيستر.
ەرجان سادەنوۆ جوعارىدا اتالعان سكرينشوتتى كورمەگەنىن دە اتاپ ءوتتى. ول اتالعان قىلمىستىق ءىستى تەرگەۋدىڭ قاشان اياقتالاتىنى بەلگىسىز ەكەنىن مالىمدەدى.
