فوتو: اشىق دەرەككوزدەن
قازاق ەلىنىڭ نامىسىن الەمدىك ارەنادا قورعاپ, Qazaq style-دى قالىپتاستىرىپ جۇرگەن جانىبەك ءالىمحان ۇلى TAS Group كومپانيالار توبىنىڭ جەتەكشىسى دۋلات تاستەكەيگە العىس ايتا وتىرىپ, سۋ جاڭا كولىكتى مەنەدجەرى بەرىك سۇلتانعا سىيعا تارتتى.
«بارشاڭىزدى كورگەنىمە قۋانىشتىمىن. سىزدەردىڭ قولداۋلارىڭىزدى مۇحيتتىڭ ارعى جاعىنان سەزىنەمىز. كوپ راقمەت سىزدەرگە. دۋلات اعا, سىيلىعىڭىزعا كوپ راقمەت. وسى ءساتتى پايدالانا وتىرىپ ءوزىمنىڭ ىنىلىگىمدى, قازاقىلىعىمدى, باۋىرلىعىمدى جاساعىم كەپ وتىر. ءبىز Qazaq style-دى الەم تاريحىندا قالدىرامىز. سول تاريحتى مەنىمەن بىرگە قاشاپ, جازىپ جۇرگەن - بەرىك سۇلتان. ول مەنىڭ اعام, مەنەدجەرىم. بۇل كىسى بولماسا ءبىزدىڭ Qazaq style تاريحى ءالسىز جازىلۋشى ەدى. سوندىقتان وسى كىسىگە راقمەت. تەمىر تۇلپار وزىڭىزدىكى. جانقوش باۋىرىم جەڭىسكە جەتسىن, ساتتىلىك», دەدى جانىبەك ءالىمحان ۇلى الەۋمەتتىك جەلىدەگى پاراقشاسىندا.
ءوز كەزەگىندە بەرىك سۇلتان مۇنداي سىيدى كۇتپەگەنىن جەتكىزدى.
«بارلىقتارىڭىز قازاق سپورتىنىڭ جانكۇيەرلەرى ەكەندەرىڭىزدى بىلەمىز. ەكى ۇلكەن بەلبەۋدى جەڭىپ الدىق. الدىمىزدا چارلو (دجەرمالل) بار, كانەلو (الۆارەس) بار. سولاردى قۇلاتۋدى ءناسىپ ەتسىن», دەپ اتاپ ءوتتى ول.
