«حابار 24» تەلەارناسىنىڭ جازۋىنشا, ولار بىرنەشە ونەرتابىستارىن ۇسىنعان. ماسەلەن, Ecobike دەپ اتالاتىن يننوۆاتسيالىق كولىك ەلەكتر قۋاتىن وندىرەدى. ال "ەكوبايك" دەپ اتالاتىن ۆەلوسيپەدتى ءبىر ايدا قۇراستىردى. ىزدەنىمپاز وقۋشىلار مەن قولداۋشى ۇستازداردىڭ يدەياسى ىسكە استى. كولىكتى قۇراستىرۋعا قوسالقى بولشەكتەر قولدانىپ, اككۋمۋلياتور ورناتقان.
«بۇل "قالدىقسىز مەكتەپ" جوباسى اياسىندا جاسالعان قۇرىلعى. قوسالقى بولشەكتەردەن. بارلىعى قولدان جاسالدى. ارنايى گەنەراتورعا ديود قويىلىپ, سول ارقىلى زارياد بەرىلەدى. وقۋشىلار 15 مينۋت ءۇزىلىس كەزىندە ۇيالى تەلەفوندارىن قۋاتتاۋعا بولادى», - دەيدى ەڭبەك ءپانىنىڭ مۇعالىمى بەرىك ىسقاقوۆ.
قۇرىلعىنىڭ ءبىر ەرەكشەلىگى - مەكتەپتەگى تازالىقتى دا قاداعالايدى.
«بىزگە قاي جەردە قاي جاشىك تولىپ كەتكەنىن ايتىپ وتىرا الادى. مىسالعا ءبىز قالانىڭ نەمەسە مەكتەپتىڭ كارتاسىن قۇرا الامىز. ودان كەيىن ءبىرىنشى جاشىك تولىپ كەتتى مە, ەكىنشى قاباتتاعى جاشىك تولىپ كەتتى مە, سونى كورسەتىپ ايتادى بىزگە», - دەيدى وقۋشى جانەركە زاكيروۆا.
سونىمەن قاتار, ونەرتاپقىش وقۋشىلار زاعيپ جاندارعا ارنالعان ەلەكتروندى تاياق جاسادى. مۇمكىندىگى شەكتەۋلى ادامنىڭ الدىنان كەدەرگى شىقسا, قۇرىلعى بىردەن بەلگى بەرەدى.
«زاعيپ جانداردىڭ جاراقات الۋىنىڭ الدىن الادى. ياعني, كەدەرگىلەردى كورىپ, سيگنال بەرەدى. سول قازاقستاندا وتە از. سيرەك كەزدەسەدى. كوزى ناشار كورەتىن جاندار بۇل تاياققا قىزىعۋشىلىق تانىتىپ وتىر. ەندى جوبانىڭ اۆتورى قۇلاعى ناشار ەستيتىن جاندار ءۇشىن ۆيبراتسيالىق بەلگى بەرەتىن قۇرىلعى جاساۋدى جوسپارلاپ وتىر», - دەيدى وقۋشى ەرالى ىبىراەۆ.
