ستارتاپتاردى باستاپقى MCI (يدەيا) جانە MVP ء(ونىم) كەزەڭدەرىندە قولداۋعا باعىتتالعان Startup Garage باعدارلاماسى 3 كەزەڭدى قامتيدى. ءار كەزەڭدە كوماندالاردىڭ قاتىسۋى مەن الەۋەتى, ولاردىڭ ءىس-شارالارداعى بەلسەندىلىگى جانە ءونىمدى ازىرلەۋدەگى جەتىستىكتەرى مۇقيات تالدانادى.
– ناتيجەسىز جانە ەرەجەلەردى بۇزعان جوبالار باعدارلامادان شىعارىلادى. بۇل كوپقىرلى ءتاسىل بىزگە ەڭ الەۋەتتى جانە امبيتسيالىق جوبالاردى انىقتاۋعا مۇمكىندىك بەرەدى. قارقىندى 12 اپتانىڭ ىشىندە ستارتاپتار جان-جاقتى قولداۋ مەن رەسۋرستاردى عانا ەمەس, سونىمەن قاتار دامۋ, ءونىمدى ۇسىنۋ, ساتۋ ارنالارىن ارتتىرۋ جانە ينۆەستور تارتۋ نەگىزدەرىن دە يگەردى, – دەيدى Astana Hub باس ديرەكتورى ماعجان ماديەۆ.
جوبانى دامىتۋ ءۇشىن ءار ستارتاپتىڭ قاجەتتىلىگىنە قاراي ءارتۇرلى ءادىس قولدانىلىپ, ءتۇرلى سىناق جاسالادى. Startup Garage قاتىسۋشىلارىن IT كومپانيالاردا جۇمىس ىستەگەن تاجىريبەلى جانە ۇزدىك ترەكەرلەر وقىتتى. ساراپشىلار مەن شاقىرىلعان لەكتورلار, سونىڭ ىشىندە تابىستى ستارتاپتاردىڭ نەگىزىن قالاۋشىلار, ينۆەستورلار جانە IT سالاسىنداعى ءىرى ويىنشىلار ستارتاپ قۇرۋ ءارى ونى دامىتۋ بويىنشا ينسايتتارىمەن ءبولىسىپ, كەڭەستەرىن ايتتى. ينكۋباتسيا كەزىندە Quickstarter Plus, Best Price, DentaSense, ekgov, TenderTech, Inventivo, Cubus, Alan سەكىلدى الەۋەتتى جوبالار جاقسى ناتيجە كورسەتتى.
– ءۇش ايدىڭ ىشىندە باعدارلاما ناتيجەسىندە اشىق نارىققا شىعا الدىق, وندا ساتىلىمىمىز ءبىر ايدا 100 مىڭ تەڭگەدەن 1,2 ملن تەڭگەگە دەيىن, ياعني 12 ەسە ءوستى. B2C جۇيەسىندە «كاسپي» كارتاسىنا قاراپايىم اۋدارىمنان باستاپ, «تازا بۋحگالتەرلىك ەسەبى» بار, شوت-فاكتۋرالارمەن جانە سەرتيفيكاتتارمەن قامتاماسىز ەتىلگەن B2B جۇيەسىنە اۋىسا الدىق. جاڭا كليەنتتەردى تابۋدى ۇيرەنىپ قانا قويماي, نارىقتاعى ۇسىنىسىمىزدىڭ قۇندىلىعىن راستادىق. قازىر اۋديتوريامىز – 20 بالاباقشا, – دەپ پىكىر ءبىلدىردى Best Price نەگىزىن قالاۋشى ءىلياس تاسىموۆ.
ەسكە سالا كەتەيىك, MCI جانە MVP كەزەڭىندەگى ستارتاپتار Astana Hub-تىڭ Startup Garage ينكۋباتسيالىق باعدارلاماسى بويىنشا تەگىن وقي الادى. بۇل باعدارلاما ءبىلىم بەرىپ قانا قويماي, قارقىندى دامۋعا, ساراپشىلار جانە الەۋەتتى ينۆەستورلارمەن ءتيىمدى قارىم-قاتىناس ورناتۋعا قولايلى جاعداي جاسايدى.
