«كۇندەر-اي» اتتى ءان بايقاۋىنىڭ شارتى بويىنشا بۇل جولى قادىر مىرزا ءالىنىڭ سوزىنە جازىلعان اندەر سايىسقا ءتۇستى. بايقاۋعا قاتىسۋشى انشىلەر قادىر مىرزا ءالىنىڭ سوزىنە جازىلعان اندەردى ناقىشىنا كەلتىرىپ ورىنداپ, باعىن سىنادى. ايتا كەتەرلىگى, بايقاۋدىڭ تالاپتارى وڭاي بولعان جوق. ماسەلەن, انشىلەرگە حالىق اراسىندا كەڭ تارالعان «اتامەكەن», «تاماشا», «اجە تۋرالى جىر», «اتا», «جار», «سىعان سەرەناداسى», «كەزدەر-اي», «قازاقتاردى شەتەلدىك قوناقتارعا تانىستىرۋ», ء«ومىرىڭ ءوز قولىڭدا», «تامدى ارۋى», ء«وز ەلىم», «باقىت تۋرالى» سەكىلدى شىعارمالاردى ورىنداۋعا تىيىم سالىندى. كەرىسىنشە بۇرىن كوپ ايتىلماي جۇرگەن تۋىندىلارعا باسىمدىق بەرىلدى. اندەر تەك قانا جاندى داۋىستا ورىندالدى.
قادىر اقىننىڭ 120-دان اسا ولەڭىنە ءان جازىلعان ەكەن. ولاردىڭ ىشىندە بەيرەسمي انۇرانعا اينالعان «اتامەكەن», رۋحىڭدى كوتەرەتىن ء«وز ەلىم», پەرزەنتتىك ماحابباتتان تۋعان «اجە تۋرالى ءان», اتىنا زاتى ساي «تاماشا», تامساندىرعان «تامدى ارۋى», كەرەمەت «كەزدەر-اي» سەكىلدى شىعارمالاردى كۇللى قازاق شىرقاپ ءجۇر.
– ءبىز وسى بايقاۋدا بۇرىن-سوڭدى ورىندالماعان اندەردى جارىققا شىعارۋدى كوزدەدىك. شىنىندا دا كەرەمەت اسەرلى دۇنيەلەر بار ەكەنىنە كوزىمىز جەتتى. الاشقى اتى ءمالىم كومپوزيتورلاردان باستاپ, جەرلەس سازگەرلەردىڭ دە اندەرى حالىققا جەتتى. اتاپ ايتساق, ء«از انا», «نە جەتەدى؟», «كۇلكى كەرەك», «قۋانىش كۇتىپ تۇر الدا» سەكىلدى اندەردى كورەرمەن جىلى قابىلدادى, – دەيدى قادىرسارايدىڭ باسشىسى سەرىك توقمامبەتوۆ.
بايقاۋعا بارلىعى 19 ۇمىتكەر قاتىستى. قازاقستان كومپوزيتورلار وداعىنىڭ مۇشەسى يەگەرى جاسكەلەڭ عايساعاليەۆ توراعالىق ەتكەن قازىلار سايىستىڭ باس جۇلدەسىنە جاستار مادەنيەت سارايىنىڭ وكىلى تاراس جاۋىمباەۆتى لايىق دەپ
تاپتى.
ورالدىق «باتىستار» توبى مەن ءانشى التىنبەك بازاروۆ 1-ورىن جۇلدەسىن جەڭىپ الدى. جانىبەك اۋدانىنان كەلگەن رايىمبەك كارىموۆ پەن قازتالوۆتىق مۇرات احمەتوۆ ەكىنشى ورىندى ءبولىستى. ال سىرىم اۋدانىنان كەلگەن نۇرلىبەك باينيازوۆ پەن اقجايىق اۋدانىنىڭ وكىلى ايدىن داۋلەتقاليەۆ ءۇشىنشى ورىننىڭ سىيلىعىنا يە بولدى. اماندىق مەرگەنوۆ (سىرىم), كاريما كەنەسارينا (مادەني-اعارتۋ بىرلەستىگى), ءمادي سابىروۆ (ورال) جانە ماحامبەت نۇراحمەتوۆكە (جاڭاقالا اۋدانى) ارناۋلى جۇلدە تاپسىرىلدى.
باتىس قازاقستان وبلىسى
