«پاۆلودار قالاسىنىڭ № 2 سوتىنىڭ 2020 جىلعى ۇكىمىمەن ەكس-اكىمى قر قك-ءنىڭ 361-بابى 4-بولىگى 3) تارماعى بويىنشا قوسىمشا ەسەپتەلگەن سالىقتاردى ازايتۋ ماقساتىندا لاۋازىمدىق وكىلەتتىكتەرىن اسىرا پايدالانعانى ءۇشىن سوتتالعان. ونىڭ بۇل ارەكەتى جشس-نىڭ ءتيىستى سالىعىن تولەمەۋگە مۇمكىندىك بەرگەن.
ەكونوميكالىق تەرگەپ-تەكسەرۋ دەپارتامەنتى تەرگەۋشىسىنىڭ 2022 جىلعى قاۋلىسىمەن, مەملەكەتتىك كىرىستەر دەپارتامەنتى قىزمەتكەرلەرىنىڭ سالىقتى قاتە ەسەپتەۋىنىڭ ساراپتاما قورىتىندىسىمەن قىلمىستىق قۇقىق بۇزۋشىلىقتىڭ بولماۋىنا بايلانىستى جشس-ءنىڭ سالىقتى تولەمەۋى تۋرالى ءىس توقتاتىلدى», دەلىنگەن سوت مالىمەتىندە.
تەرگەۋشىنىڭ ءىستى توقتاتۋىنا بايلانىستى پاۆلودار وبلىسىنىڭ مامانداندىرىلعان اۋدانارالىق اكىمشىلىك سوتى قوسىمشا سالىقتى ەسەپتەۋ تۋرالى حابارلامانىڭ كۇشىن جويدى.
وسىلايشا, مەملەكەت مۇددەسىنە ايتارلىقتاي زيان كەلتىرىلمەدى.
بۇل ءمان-جاي سوتقا ۇكىم شىعارۋ كەزىندە بەلگىسىز بولعان.
جوعارىدا كورسەتىلگەندەرگە بايلانىستى سوت پروكۋروردىڭ وتىنىشىمەن كەلىسىپ, قپك 505-بابىنىڭ نەگىزىندە سوت ۇكىمىنىڭ كۇشىن جويدى. قىلمىستىق ءىس ارەكەتتەرىندە قۇقىق بۇزۋشىلىقتىڭ بولماۋىنا بايلانىستى سوتتالۋشى اقتالدى.
قاۋلى زاڭدى كۇشىنە ەنگەن جوق.
