ەسكە سالا كەتەيىك, وسى جىلدىڭ جەلتوقسان ايىنىڭ باسىندا مەملەكەت باسشىسى قاسىم-جومارت توقاەۆ ينۆەستيتسيالار تارتۋ جونىندەگى كەڭەسكە (ينۆەستيتسيالىق شتابقا) ەرەكشە وكىلەتتىكتەر بەرەتىن جارلىققا قول قويدى.
وتىرىستى اشا وتىرىپ, رومان سكليار ينۆەستيتسيالىق شتاب مۇشەلەرىنىڭ الدىنا قويىلعان باستى مىندەت ينۆەستيتسيالىق جوبالاردى جەدەل تۇردە ىسكە اسىرۋ جانە جالپى ينۆەستيتسيالاردى تارتۋ بويىنشا جۇمىستىڭ تيىمدىلىگىن ارتتىرۋ ەكەنىن اتاپ ءوتتى.
«ينۆەستيتسيالىق شتابتىڭ نەگىزگى مىندەتتەرىنىڭ ءبىرى – بارلىق دەڭگەيدەگى ينۆەستيتسيالىق جوبالاردىڭ پروبلەمالىق ماسەلەلەرىن شەشۋ. ول ءۇشىن قاجەتتى قۇرالدار مەن وكىلەتتىكتەردىڭ بارلىعى بار», دەدى ءبىرىنشى ۆيتسە-پرەمەر.
سونىمەن قاتار ر.سكليار ورتالىق جانە جەرگىلىكتى اتقارۋشى ورگاندار باسشىلارىنىڭ جۇرگىزىلىپ جاتقان جۇمىس ناتيجەلەرى ءۇشىن جاۋاپكەرشىلىگى ارتتىرىلعانىن ايتىپ ءوتتى.
وتىرىس بارىسىندا ينۆەستيتسيالىق شتاب قىزمەتىنىڭ جاڭا تاسىلدەرى قارالىپ, ناقتى ينۆەستيتسيالىق جوبالاردى ىسكە اسىرۋدىڭ وزەكتى ماسەلەلەرى تالقىلاندى.
وتىرىس قورىتىندىسى بويىنشا رومان سكليار ينۆەستورلاردىڭ بارلىق پروبلەمالىق ماسەلەسىن قىسقا مەرزىمدە شەشۋ ءۇشىن مەملەكەتتىك ورگاندار مەن ۇيىمدارعا بىرقاتار قاجەتتى تاپسىرما بەردى.
