قازىر شىنى كەرەك, سمارتفون ۇستامايتىن بالا جوق. قانشا جەردەن «ۇستاما, ۇستاۋعا بولمايدى» دەگەنمەن تالاپ تەك ءسوز كۇيىندە قالىپ كەلەدى.
– ماسەلە – وقۋشىلاردىڭ وقۋ كەزىندە تەلەفونعا الاڭداماۋى. سوندىقتان مەن ولاردىڭ تەلەفوندارىن ساباق باستالاردا جيناپ الامىن دا, قايتاتىن كەزدە عانا بەرەمىن. بۇرىن قوراپقا سالىپ قوياتىن ەدىم, جاقىندا ءوز قاراجاتىما ارنايى شكاف ىستەتتىم. راس, 50 مىڭ تەڭگە جۇمسادىم. ازدى-كوپتى قاراجات جۇمساعاننان ەشكىم دە كەدەيلەنىپ قالمايدى عوي. سىنىپقا, ساباققا كەرەگى بار ما, كەز كەلگەن نارسەنى ءوزىم جاساتا سالامىن. ەسەسىنە ادەمى كورىنەدى ءارى بالا بويىندا مادەنيەتتى قالىپتاستىرادى, – دەگەن نۇرگۇلدىڭ ءسوزى تاڭداندىرىپ تاستادى. مەكتەپ قاجەتتىلىگى ءۇشىن قاي مۇعالىم قالتاسىنداعى قارجىسىن جۇمسايدى؟ وسىلاي ويلايمىز عوي. قاتەلەسەدى ەكەنبىز, بار ەكەن ونداي جاندار.
«وقۋعا قۇشتار مەكتەپ» دەپ اتالاتىن جوبا بار. مەكتەپتەگى بارلىق دەرلىك ءىس-شارا وسى باعدارلاما اياسىندا جۇرگىزىلەدى. «مەكتەپ وقۋعا قۇشتار بولۋى ءۇشىن ۇستازدار جاڭاشىلدىققا ۇمتىلماسا, ىزدەنىمپازدىققا ىنتالى بولماسا, ەشتەڭە دە ونبەيدى». بۇل – نۇرگۇل شاماەۆانىڭ پىكىرى.
وعان بيىل 6 «ا» سىنىبىنا جەتەكشىلىك جاساۋ جۇكتەلدى. ول سىنىپقا بولىنگەن كابينەتتى بەزەندىرۋگە ايرىقشا كوڭىل ءبولدى. كابينەتتىڭ ءىشى كىرسە, شىققىسىز. ءارتۇرلى گۇلدەر كوزدىڭ جاۋىن الادى. وتانشىلدىق تۋعان جەردى سۇيۋدەن, سونىڭ قاسيەتىن ۇعىنۋدان باستالادى. تانىمال تۇلعالاردىڭ پورترەتتەرى, تاريحي ورىنداردىڭ سۋرەتتەرى ارنايى تۇعىرلارعا ورناتىلىپتى. كوزبەن كورگەن كوڭىلگە قوناقتايدى. كىتاپ سورەسىنىڭ ءوزى قانداي؟ وسىنىڭ بارىنە ول 200 مىڭ تەڭگەدەي قارجىسىن جۇمساعان كورىنەدى. مۇندا قويىلعان ءاربىر نارسەدەن ىزدەنىستىڭ ىزدەرى مەنمۇندالاپ تۇر.
ونىڭ ەڭبەك ءوتىلى – 22 جىل. 2001 جىلى ءو.بايقوڭىروۆ اتىنداعى جەزقازعان ۋنيۆەرسيتەتىن قازاق ءتىلى مەن ادەبيەتى ماماندىعى بويىنشا تامامداعان ول سودان بەرى ۇستازدىق جولدا تەر توگىپ كەلەدى. ابىرويلى. ارداقتى. قۇرمەتتى. قادىرلى. بۇدان ارتىق نە كەرەك؟ ءبارى دە سول ءاردايىم جاڭاشىلدىققا ۇمتىلاتىن ىزدەنىمپازدىقتىڭ ارقاسى.
ۇلىتاۋ وبلىسى,
جاڭاارقا اۋدانى
