ءىس-شارا بەيبىتشىلىك كەپىلى رەتىندە حالىقارالىق ديالوگ جىلىن جانە ادام قۇقىقتارىنىڭ جالپىعا بىردەي دەكلاراتسياسىنىڭ 75 جىلدىعىن اتاپ ءوتۋدى دە ماقسات ەتىپ وتىر.
بريفينگكە قاتىسۋشىلارعا كونستيتۋتسيالىق سوت توراعاسى ەلۆيرا ءازىموۆا, پرەزيدەنت جانىنداعى ادام قۇقىقتارى جونىندەگى كوميسسيا توراعاسى يگور روگوۆ جانە سىرتقى ىستەر ءمينيسترىنىڭ ورىنباسارى رومان ۆاسيلەنكو العى سوزدەرىن سويلەپ, قازاقستاننىڭ ورتالىق ازياداعى اۋقىمدى دەموكراتيالىق جانە ساياسي رەفورمالاردى جۇرگىزۋدەگى, سونداي-اق ادام قۇقىقتارىن قورعاۋ جونىندەگى ىسكە اسىرىلىپ جاتقان باستامالارداعى ماڭىزدى ءرولىن اتاپ ءوتتى.
ادام قۇقىقتارىن قورعاۋدىڭ ءتۇرلى سالالارىنداعى ماسەلەلەردى تالقىلاۋعا ارنالعان ديالوگ الاڭى بۇۇ, ەقىۇ, بۇۇدب, قازاقستانداعى حكۇ وكىلدىگى, بۇۇ ەسىرتكى جانە قىلمىس جونىندەگى باسقارماسى, بۇۇ بالالار قورى (يۋنيسەف) جانە ەۋروپالىق وداق وكىلدىگى سياقتى وڭىرلىك جەتەكشى ورگانداردىڭ وكىلدەرىن بىرىكتىردى. ديالوگ اياسىندا بەيبىتشىلىكتى قامتاماسىز ەتۋدەگى سوت تورەلىگىنىڭ رولىنە جانە قازىرگى جاھاندىق سىن-قاتەرلەر مەن ورنىقتى دامۋ پەرسپەكتيۆالارى اياسىندا ادام قۇقىقتارىن كوتەرمەلەۋدىڭ ماڭىزدىلىعىنا بايلانىستى وزەكتى ماسەلەلەر تالقىلاندى.
ەلۆيرا ءازىموۆا كونستيتۋتسيالىق سوت ءوز قىزمەتىندە قۇقىق ۇستەمدىگى مەن ادام قۇقىقتارىن قورعاۋ قاعيداتتارىن بەرىك ۇستاناتىنىن اتاپ ءوتتى. بۇل ساياساتتى ىسكە اسىرۋدىڭ ماڭىزدىلىعى الەمدىك قوعامداستىقتىڭ قاتىسۋشىلارى ءۇشىن تۋىندايتىن تاۋەكەلدەردىڭ جاھاندىق وزگەرىستەرى جاعدايىندا ەرەكشە ماڭىزعا يە بولادى. كونستيتۋتسيالىق سوت باسشىسىنىڭ پىكىرىنشە, قۇقىقتىق سىن-تەگەۋرىندەرگە ۋاقتىلى دەن قويۋ جانە زاڭدى قۇرمەتتەۋ مەملەكەت پەن قوعامنىڭ ورنىقتى دامۋىنا ەلەۋلى ۇلەس بولىپ سانالادى.
بريفينگ بارىسىندا حالىقارالىق ساراپتامالىق قوعامداستىق وكىلدەرى قازاقستاننىڭ ادام قۇقىقتارىن قورعاۋ سالاسىنداعى بەلسەندى باستامالارىن, ەلىمىزدىڭ ءادىل جانە اشىق قوعام قۇرۋعا دەگەن ۇمتىلىسىن اتاپ ءوتىپ, ىنتىماقتاستىققا دايىن ەكەنىن ءبىلدىردى.
