كەشەندى جوسپار بەكىتىلدى

قابىلدانعان كەشەندى جوس­پار مۇناي-گاز, مۇناي-گاز وڭدەۋ, سونداي-اق مۇناي-گاز-حيميا سالالارىندا 20 ماڭىزدى جوبانى ىسكە اسىرۋعا باعىتتالعان. جوبالاردى ىسكە اسىرۋعا 37,3 ملرد دوللار كولە­مىندە ينۆەستيتسيالار تارتۋ كوزدەلىپ وتىر.

اتاپ ايتقاندا, قۇجاتتا 2027 جىلعا قاراي «تەڭىز», «قارا­شىعاناق» جانە «قاشاعان» كەن ورىندارىندا مۇناي ءون­دىرۋ دەڭگەيىن 105,5 ملن تون­ناعا دەيىن جانە گاز ءوندى­رۋ دەڭ­گەيىن 82,1 ملرد تەكشە مەتر دە­يىن ارت­تىرۋعا باعىتتالعان ءىرى مۇناي-گاز جوبالارىن ىسكە اسىرۋ جوسپارلانعان.

سونىمەن قاتار كەشەندى جوس­پار­­داعى گاز وڭدەۋ زاۋىت­تارى­نىڭ قۇ­رىلىسى ىشكى نارىق­تىڭ قا­جەت­­تىلىكتەرىن قانا­عات­تاندىرۋعا ايتار­لىقتاي اسەر ەتەتىنىن اتاپ وتكەن ءجون.

بۇدان باسقا ىشكى نارىقتى مۇناي ونىمدەرىمەن قامتاماسىز ەتۋ ماقساتىندا ءۇش جوبانى ىسكە اسىرۋ كوزدەلگەن. 2029 جىل­عا قاراي شىمكەنت ءموز-ىندە ءون­دىرىس قۋاتى 6-دان 12 ملن تونناعا دە­يىن ارتادى دەپ جوس­پارلانىپ وتىر. ناتيجەسىندە ەلىمىزدە جى­لى­نا 18 ملن توننا مۇناي ونىمدەرى وندىرىلەدى. ءوز كەزەگىندە زاۋىتقا مۇناي جەتكىزۋدى قامتاماسىز ەتۋ ءۇشىن كەڭقياق-اتىراۋ مۇناي قۇبىرىن جىلىنا 6 ملن-نان 15 ملن تونناعا دەيىن جانە كەڭقياق-قۇمكول مۇناي قۇبىرىن جىلىنا 10 ملن-نان 20 ملن تونناعا دەيىن كەڭەيتۋ جوبالارى ىسكە اسىرىلادى.

مۇناي-گاز-حيميا سالاسى­نا قا­تىستى قۋاتى 9,1 ملرد تەكشە مەتر گاز تا­زارت­قىش كەشەنىنىڭ ينف­را­قۇ­رىلىمدىق جوباسىمەن قۋاتى 1,25 ملن توننا پوليەتي­لەن وندىرەتىن ءبىرىنشى ينتەگراتسيالانعان گاز-حيميا كەشەنىن سالۋ سياقتى جوبالاردى ىسكە اسىرۋ مۇناي-گاز جانە حيميا ونىمدەرىن ءوندىرۋ كولەمىن ەداۋىر ۇلعايتۋعا, ءىرى ينۆەستيتسيالار تارتۋعا جانە تەڭىز كەن ورنى شيكىزاتىنىڭ بارلىق الەۋەتىن پايدالانۋعا مۇمكىندىك بەرەتىنىن اتاپ وتكەن ءجون.

سونىمەن قاتار گەولوگيا­لىق بارلاۋ جوبالارىن ىسكە اسىرۋ جانە كەن ورىندارىن يگەرۋ اياسىندا ينۆەستيتسيالار­دىڭ جالپى كولەمى شامامەن 10 ملرد دوللاردى قۇرايتىن 7 جوبا كوزدەلگەن. ونىڭ ىشىن­دە «قالامقاس-تەڭىز» جانە «حازار» كەن ورىندارىن ءوندىرۋ جۇمىستارىنا دا­يىن­داۋ, ورىكتاۋ گاز كوندەن­ساتى كەن ورنىن دامىتۋ, سونداي-اق قاراتون-پودسولەۆوي گەو­لوگيالىق بارلاۋ نەگىزگى جوبالار بولىپ تابىلادى.