ءىس-ساپار بارىسىندا قاتىسۋشىلار مەكەمە اۋماعىندا ءۇش كامەلەتكە تولماعان بالا قاماۋعا الىنعان قوسالقى بولمەنى تاپتى.
مەدبيكەنىڭ ايتۋىنشا, بالالار قىزىلشامەن اۋىراتىندىقتان, وندا وقشاۋلاۋ ءۇشىن ورنالاستىرىلعان. الايدا, كامەلەتكە تولماعان جەتكىنشەكتەر قامالعان ءۇي-جايدىڭ جاعدايى ناشار: ەدەندەرى بەتون, تەرەزەسى سىنعان, دارەتحانا مەن سۋ جوق.
"سونىمەن قاتار, ولار ەشقايدا بارىپ كومەك سۇراي المايدى – مەكەمەدە تەلەفون بايلانىسى جوق, WiFi دا قولجەتىمسىز", - دەلىنگەن حابارلامادا.
قر ادام قۇقىقتارى جونىندەگى ۋاكىلدىڭ سوزىنشە, بۇل فاكتىلەر قىزمەتكەرلەردىڭ بالالارعا قاتىگەزدىكپەن قارايتىنىن راستايدى.
ادام قۇقىقتارىن قورعاۋ ۇلتتىق ورتالىعىنىڭ باسشىسى سالتانات تۇرسىنبەكوۆا تۇركىستان وبلىسىنىڭ پروكۋراتۋراسىنا قاتىگەزدىك كورسەتۋ فاكتىسى بويىنشا پروتسەسسۋالدىق شەشىم قابىلداۋدى جانە قابىلدانعان شارالار جايىندا ەسەپ بەرۋدى سۇراپ, حات جولدادى.
