"دينامەن دۇرىس" باعدارلاماسىنا قوناق بولعان ونەر يەسى ون جىلدان استام ۋاقىت بويى تالما دەرتىنەن جاپا شەگىپ, كۇردەلى ون ساعاتتىق وتادان سوڭ, جاقسارعانىن جەتكىزگەن.
- 2000 جىلدان باستاپ ەس جوعالتۋ, تىرەسىپ قالۋ سياقتى اۋرۋىم باستالدى. 1993 جىلدارى, ول كەزدە جاسپىز, مەيرامحانادان شىعىپ كەلە جاتقاندا ءۇش جىگىت تەپكىگە العان ەدى. سول جەتى جىلدان كەيىن سىر بەردى مە دەپ ويلادىم. سول سوققىدان نەمەسە تۋا پايدا بولعان نارسە ما, بەلگىسىز. باستاپقىدا جىلىنا ەكى رەت قايتالاندى. سودان ۋاقىت وتە كەلە ۋشىعىپ, ەكى-ءۇش ايدا ءبىر رەت بولا باستادى. بىردە ساحنادا ۇستاپ قالدى, سىرەسىپ قالدىم. ءتورت رەت قالا ىشىندە كولىك جۇرگىزىپ كەلە جاتقاندا بولدى. ءبىر رەت ماڭىزدى شارادا ماڭىزدى ساتتە سىرەسىپ قالىپ, ساحنادان الىپ كەتتى. سول كەزدە قارا تىزىمگە ءتۇسىپ قالدىم با دەپ قورىقتىم. وتادان كەيىن شۇكىر جاعدايىم جاقسى. مىنە ءتورت جارىم جىلداي مەندە قايتالانۋ جوق. جاعدايىم تۇراقتى, كونتسەرت بويى ءان ايتا الامىن, - دەدى ءانشى.
