اتالعان قۇجات مەملەكەت باسشىسى قاسىم-جومارت توقاەۆتىڭ الەۋمەتتىك ينفراقۇرىلىمدى دامىتۋعا جەكە ينۆەستيتسيالار تارتۋ جونىندەگى تاپسىرماسىن ورىنداۋ ماقساتىندا قابىلداندى. كەشەندى جوسپاردا جوبالاردى سمەتالىق قۇنىنىڭ 30%-ى كولەمىندە مەملەكەت تاراپىنان قوسا قارجىلاندىرۋ كوزدەلگەن. قالعان 70%-ىن جەكە سەرىكتەس تارتۋى كەرەك.
جوسپاردا جوعارى ءبىلىم, دەنساۋلىق ساقتاۋ, حالىقتى الەۋمەتتىك قورعاۋ, سپورت جانە ءبىلىم بەرۋ سالالارى بويىنشا جالپى 43 نىسان قامتىلعان. قۇرىلىستان كەيىن جەكە سەرىكتەستەر 10 جىل بويى تەحنيكالىق قىزمەت كورسەتۋدى باسقارىپ, قامتاماسىز ەتەدى. ال نىساندار پايدالانۋعا بەرىلگەننەن كەيىن مەملەكەت مەنشىگىنە وتەدى.
ماسەلەن, 7,9 مىڭ ورىنعا ارنالعان ستۋدەنتتىك 9 جاتاقحانا سالۋ جوسپارلانىپ وتىر. سونىمەن قاتار مەملەكەت باسشىسىنىڭ جولداۋىن ىسكە اسىرۋ اياسىندا جاڭا جاتاقحانالار اشىلماق. اتاپ ايتقاندا, 2023 جىلى 10,4 مىڭ ورىندىق 43 جاتاقحانانى ىسكە قوسۋ جوسپارلانعان. جالپى, بارلىق قارجى كوزدەرى ەسەبىنەن 2028 جىلعا دەيىن 55,5 مىڭ ورىن پايدالانۋعا بەرىلەتىن بولادى.
سونىمەن قاتار جاڭا 3 ەمحانا مەن 3 وڭالتۋ ورتالىعىن اشۋ كوزدەلىپ وتىر. بۇل ازاماتتاردى مەديتسينالىق جانە ارناۋلى الەۋمەتتىك قىزمەتتەرمەن قامتۋدى كەڭەيتۋگە مۇمكىندىك بەرەدى.
سپورت سالاسىندا جاڭا 8 سپورت زالىن ىسكە قوسۋ جوسپارلانعان. ءبىلىم بەرۋ جۇيەسىندە 5 وقۋ-ساۋىقتىرۋ ورتالىعىن, 5 وقۋشىلار سارايىن جانە 10 ونەر مەكتەبىن سالۋ بويىنشا جوبالار ىسكە اسىرىلادى. بارلىق باعىت بويىنشا جاڭا وبەكتىلەردىڭ جالپى قۇنى 261 ملرد تەڭگەدەن اسادى.
