الەۋمەتتىك جەلىدە ورتەنىپ جاتقان كولىكتىڭ ىشىندەگى ادامدى قۇتقارعان ەر ادامنىڭ ۆيدەوسى تارادى. اتالعان وقيعا 2023 جىلى 3 جەلتوقساندا استانا قالاسىندا بولعانى انىقتالدى. جۇرگىزۋشىنى قۇتقارعان اسكەري قىزمەتكەر ەكەنى بەلگىلى بولدى.
قورعانىس مينيسترلىگى ءباسپاسوز قىزمەتىنىڭ مالىمەتىنشە, ۆيدەوداعى اسكەري قىزمەتشى - مەيرامبەك ىسقاقوۆ ۆزۆود سەرجانتى, 68665 اسكەري ءبولىمىنىڭ جاۋىنگەرلىك جانە دەنە شىنىقتىرۋ نۇسقاۋشىسى.
"2023 جىلدىڭ 3 جەلتوقسانىندا كەشكى ۋاقىتتا مەيرامبەك ىسقاقوۆ دۇكەنگە شىققان. جانىپ جاتقان اۆتوكولىكتى كورگەن اسكەري قىزمەتشى وقيعا تۋرالى ەلورداداعى توتەنشە جاعدايلار دەپارتامەنتىنىڭ 101 ورتالىعىنا شۇعىل حابارلايدى. دەرەۋ قيمىلداعان اسكەري قىزمەتشى جانىپ جاتقان كولىكتىڭ ىشىندە ادام بار ەكەنىن اڭعارىپ, ونى قاۋىپسىز جەرگە الىپ شىعادى. بۇل ۋاقىتتا ەر ادام ەسىنەن تانىپ قالادى. العاشقى مەديتسينالىق كومەك كورسەتكەن مەيرامبەك ازاماتتى وقيعا ورنىنان كەلگەن جەدەل جاردەم قىزمەتكەرلەرىنە تاپسىرادى. جۇرگىزۋشى № 1 قالالىق اۋرۋحاناعا جەتكىزىلدى", – دەيدى ۆەدومستۆونىڭ ءباسپاسوز قىزمەتى.
ايتا كەتەيىك, اسكەري قىزمەتشىنىڭ ارەكەتىنە ءوتىپ بارا جاتقان ازاماتتاردىڭ ءبىرى دە ات سالىسىپتى.
"جوعارى قولباسشىلىق اسكەري قىزمەتشىنى ماراپاتقا ۇسىندى. اسكەري قىزمەتشى مەيرامبەك ىسقاقوۆ جۇبايى ەكەۋى ساميرا جانە لۋنارا ەسىمدى قىزداردى تاربيەلەپ ءوسىرىپ وتىر", – دەلىنگەن حابارلامادا.
