1 تامىزدا باستالعان «Global Outsourcer » باعدارلاماسىنا قاتىسۋعا 50-دەن استام ءوتىنىم تۇسكەن, سونىڭ ىشىنەن 20-سى ىرىكتەلىپ, 15 كوماندا اكسەلەراتسيانى ءساتتى اياقتادى. بۇل كومپانيالار ەندى حالىقارالىق نارىقتارعا شىعىپ, بۇكىل الەم بويىنشا كەلىسىمشارت جاساسىپ, ەكسپورتتىق الەۋەتىن ارتتىرىپ جاتىر.
– باعدارلاما كومپانيالارعا ساتىلىم كەزەڭدەرىن, ستراتەگيانى جانە كىرىس كوزىن دامىتۋعا, سونداي-اق كەلىسسوزدەر جۇرگىزۋ داعدىسىن جانە ۇسىنىس جاساۋدى ۇيرەنۋگە كومەكتەستى. قاتىسۋشىلاردىڭ 80 پايىزى العاش رەت ەكسپورتقا جۇمىس ىستەي باستادى جانە بىرنەشە اي ىشىندە 27 ەلدە جالپى قۇنى 158 مىڭ دوللاردان استام تابىس تاپتى. «Upwork» نەگىزگى ساتۋ الاڭىنا اينالدى. بۇل وتاندىق ەكسپورت كولەمىن ارتتىرۋعا سەپتىگىن تيگىزەدى, – دەيدى Astana Hub باسقارۋشى ديرەكتورى تاڭات وسكەمباەۆ.
«Global Outsourcer» اكسەلەراتورى قازاقستاننىڭ ەكسپورت كولەمىن ۇلعايتۋعا جانە IT-اۋتسورسينگ كومپانيالاردىڭ الەمدىك نارىقتاعى ورنىن نىعايتۋ باعىتىندا تيىمدىلىگىن كورسەتتى.
جەتەكشى ترەكەر نيكولاي سەركۋتان مەن جەتەكشى ساراپشى ماكسيم تولماچەۆ كومپانيا بەدەلىن قالىپتاستىرۋ جانە جاھاندىق ەكوجۇيەگە ءتيىمدى ەنۋ قاجەتتىلىگى تۋرالى ماسەلە كوتەرىپ, الەمدىك نارىقتارداعى جاڭا ستراتەگيالاردىڭ ماڭىزدى ەكەنىن ايتتى. «ادەتتە ۇسىنىلاتىن قىزمەت پەن بەدەلدى قالىپتاستىرۋ ءۇشىن كوپ ۋاقىت پەن اقشا قاجەت, بىراق Global Outsourcer باعدارلاماسىنىڭ ناتيجەسىندە كومپانيالار وسى كەزەڭدە ۋاقىت پەن رەسۋرستاردى ۇنەمدەي الدى», دەپ اتاپ ءوتتى ولار.
Demo Day-دە كوماندالار جاڭا ستراتەگياسىن, ساتىلىم كەزەڭدەرى مەن جاسالعان كەلىسىمشارتتاردى كورسەتە وتىرىپ, جوبالارىن الەۋەتتى كليەنتتەر مەن ينۆەستورلارعا تانىستىردى. Yessen&Company باس ديرەكتورى ازات ەسەنوۆ كانادا جانە ۇلىبريتانيا نارىعىنداعى تابىسى تۋرالى ايتتى. Dara Solutions كوممەرتسيالىق ديرەكتورى جاسۇلان اقاەۆ الداعى جوسپارىمەن ءبولىستى. ول 2025 جىلعا قاراي كومپانيا تابىسىن 500 مىڭ دوللارعا دەيىن ارتتىرۋدى كوزدەپ وتىر ەكەن.
– ءبىز نەگىزىنەن قولدانبالاردى جەرگىلىكتى كومپانيالار ءۇشىن عانا جاساپ جۇرگەنبىز. وسى باعدارلاما ارقىلى حالىقارالىق نارىققا قالاي شىعۋ كەرەك ەكەنىن بىلدىك. ەندى ەۋروپا مەن وڭتۇستىك-شىعىس ازيا نارىعىنا باعىت الىپ جاتىرمىز. قازىر گەرمانيادا كەلىسىمشارت جاسادىق, سونداي-اق كورەيالىق كومپانيامەن كەلىسسوز جۇرگىزىپ جاتىرمىز, – دەدى Code Union تەڭ قۇرىلتايشىسى دەميان يازوۆسكي.
«Global Outsourcer»-گە قاتىسۋ ناتيجەسىندە ا-بيزنەس, سodeUnion, Arcana Inc, AtyrauTechInvest (ATI), Crocos, Dara Solutions, JaiyqDev, Maxinum Consulting, Qazaqsoft, Singularis, TechWorks, Thousand, Updevision, Yessen & Company, 2up كومپانيالارى ەكسپورتقا شىقتى.
ەسكە سالا كەتەيىك, مەملەكەت باسشىسى قاسىم-جومارت توقاەۆ قازاقستاندى وڭىردەگى جەتەكشى تسيفرلىق ورتالىقتاردىڭ بىرىنە اينالدىرۋ ماقساتىندا 2026 جىلعا قاراي IT-ەكسپورت كولەمىن 1 ملرد دوللارعا دەيىن ارتتىرۋ مىندەتىن قويعان بولاتىن. Astana Hub-تىڭ بارلىق باستاماسى وسى ستراتەگيالىق ماقساتقا جەتۋگە باعىتتالعان قۇرالدار.
