"وتىرار" ارناسىنا بۇل تۋرالى سارىاعاش اۋدانى دەربىسەك اۋىلى اكىمىنىڭ ورىنباسارى مالىمدەگەن.
ءامىرالى رامازان ءباتىرالى ۇلى 20 جاستا, شىمكەنتتەگى مەدرەسەلەردىڭ بىرىندە ءبىلىم الىپ جۇرگەن. ول اقشا تابۋ ماقساتىندا الماتىعا بارىپ, قىمبات ەمەس باسپانادا تۇرىپ جاتقان.
قايعىلى وقيعادان بىرنەشە كۇن بۇرىن جاس جىگىت سارىاعاش اۋدانىنا قايتىپ كەتكەن. قازىرگى ۋاقىتتا رامازان ءوزىنىڭ ۇيىندە, اتا-اناسىنىڭ قاسىندا.
«تۋعان كۇنىڭمەن قۇتتىقتايمىن! ەندى جىلىنا ەكى رەت تۋعان كۇنىڭدى اتاپ وتەسىڭ. قازىر ءبىزدىڭ اۋىل عانا ەمەس, بۇكىل رەسپۋبليكا شۋلاپ جاتىر. مەدرەسەدەگى ۇستازدارى ساباققا كەلمەي جۇرگەنىن ايتىپ, قوڭىراۋ شالعان عوي. سوسىن اكەسى شاقىرعان. راسىمەن دە, كورەر جارىعىڭ بار ەكەن. وسى قوناقۇيدە قالا بەرگەنىڭدە نە بولار ەدى, كىم ءبىلسىن», – دەيدى دەربىسەك اۋىلى اكىمىنىڭ ورىنباسارى رامازانعا.
ايتا كەتەيىك, الماتىداعى حوستەلدە ورىن العان قايعىلى وقيعا 30 قاراشادا بەلگىلى بولدى. ارزان قوناقۇيدە بارلىعى 72 ادام تۇرعان. وتقا ورانعان بولمەدەن 59 ادام شىعىپ ۇلگەرگەن.
