كولىك مينيسترلىگىنىڭ اۆتوموبيل كولىگى جانە كولىكتىك باقىلاۋ كوميتەتى اقىلى جولمەن ءجۇرۋ اقىسىن كۇنتىزبەلىك 7 كۇننىڭ ىشىندە تولەۋ قاجەت ەكەنىن ەسكە سالادى.
وسى رەتتە تولەم جاساۋدىڭ 20-دان استام ءادىسى بار.
اتاپ ايتقاندا, QAJ mobile ءموبيلدى قوسىمشاسى, Kaspi.kz, Kiwi-ءاميان, Forte Bank ارقىلى.
سەگىزىنشى كۇنى اكىمشىلىك قۇقىق بۇزۋ كودەكسىنىڭ 628-بابىنا سايكەس ايىپپۇل ەسەپتەلەدى.
جەكە تۇلعالار ءۇشىن ايىپپۇل مولشەرى — 5 اەك, زاڭدى تۇلعالار ءۇشىن — 10 اەك (2023 جىلى 1 اەك كولەمى — 3 450 تەڭگە).
«اكىمشىلىك جاۋاپكەرشىلىكتىڭ الدىن الۋ ءۇشىن اۆتوكولىك يەلەرى مەن جۇرگىزۋشىلەر اقىلى جولدىڭ اقىسىن ۋاقتىلى تولەۋى كەرەك. سونىمەن بىرگە بەرەشەگى بار اۆتوكولىك يەلەرىن تاريفكە سايكەس قارىزىن وتەۋگە شاقىرامىز» دەيدى مينيسترلىكتەن.
