دەپۋتتاتتىڭ ايتۋىنشا سوڭعى كەزدەرى بالالار اراسىندا ءتۇرلى اۋرۋلاردىڭ دەندەپ بارا جاتقانى الاڭداتىپ وتىر.
«ۇكىمەت وتىرىسىندا وسى ماسەلە كوتەرىلگەنىنەن قۇلاعدارمىز. وندا ەلىمىزدە 17 مىڭنان استام قىزىلشامەن اۋىرىپ تىركەلگەندەردىڭ 82%-ى بالالار دەگەن مالىمەت كەلتىرىلدى. ال ونىڭ كوبى ۆاكتسينا الماعان بالالار ەكەن. اراسىندا 30-داي بالا جانساقتاۋ بولىمىندە جاتقان كورىنەدى. بۇل – دابىل قاعارلىق جاعداي. قىزىلشا اسقىنىپ كەتسە, بالالار دەنساۋلىعىنا قاۋىپ توندىرەتىنى بەلگىلى. سوندىقتان مۇنى دەنساۋلىق ساقتاۋ سالاسى وكىلدەرىنە عانا ىسىرىپ قويماي, بۇنىمەن بۇكىل قوعام بولىپ كۇرەسۋدىڭ قاجەتتىلىگى ايقىن», دەدى ەلنۇر بەيسەنباەۆ.
دەپۋتات ە.بەيسەنباەۆتىڭ ايتۋىنشا نەبىر ىندەتتەر ۆاكتسينا ويلاپ تابىلىپ, جاپپاي ەگىلگەننەن كەيىن بەتى قايتقانى ءمالىم. بالالارىن مىندەتتى ەگۋدەن بىرقاتار اتا-انا باس تارتىپ وتىر. ەكپەلەر جەكە ادامنىڭ دەنساۋلىعى ءۇشىن عانا ەمەس, بۇكىل قوعام ساۋلىعى ءۇشىن دە قاجەت. وسىعان وراي, حالىق اراسىندا اقپاراتتىق-ءتۇسىندىرۋ جۇمىستارىن كەڭىنەن جۇرگىزۋدىڭ ماڭىزى زور.
سونىمەن قاتار دەپۋتات پرەمەر-ءمينيستردىڭ ورىنباسارىنا اتالعان ماسەلەگە بايلانىستى بىرقاتار ناقتى ۇسىنىستى ايتتى.
«بىرىنشىدەن, ەلىمىزدە بالالاردىڭ ۆاكتسيناتسيالانۋى بويىنشا تولىق تۇگەندەمە جۇرگىزىپ, ولاردىڭ اراسىنداعى اۋرۋ تۇرلەرىنە, ۆاكتسيناتسيالاۋمەن كوررەلياتسياسىنا جان-جاقتى ساراپتاما جاساۋ كەرەك. ەكىنشىدەن, جەرگىلىكتى اتقارۋ ورگاندارىمەن جانە بۇقارالىق اقپارات قۇرالدارىمەن بىرلەسە وتىرىپ, حالىق اراسىندا كەڭ كولەمدى اقپاراتتىق-ءتۇسىندىرۋ جۇمىستارىن جۇرگىزۋ قاجەت. ۇشىنشىدەن, وسى كەزگە دەيىن ءتۇرلى سەبەپتەرمەن ەگىلمەي قالعان بالالاردى جانە دۇنيەگە كەلىپ جاتقان سابيلەردى ۆاكتسيناتسيالاۋدان وتكىزۋدى قولعا الۋ كەرەك», دەدى «AMANAT» پارتياسى فراكتسياسىنىڭ جەتەكشىسى ەلنۇر بەيسەنباەۆ.
