ونىڭ سوزىنشە, ۋنيۆەرسيتەت ستۋدەنتتەرى جىنىستىق قىسىم فاكتىلەرىنە ءجيى ۇشىراپ جاتىر.
"وتباسىلىق تۇرمىستىق زورلىق زومبىلىقتىڭ الدىن الۋ كەزەك كۇتتىرمەي شەشەتىن ماسەلەگە اينالدى. وسى قورقىنىشتى جاڭالىقتار ىزىمەن حاراسسمەنت وقيعالارى دا تەز تارادى. جاقىندا استانا مەديتسينا ۋنيۆەرسيتەتىندە پروفەسسور وقىتۋشىنىڭ ستۋدەنتكە جاساعان جىنىستىق قىسىم فاكتىسى جاريا بولدى. وسىدان كەيىن الەمجەتتىك كورگەن ستۋدەننتتەر ءوز وقيعالارىن الەۋمەتتىك جەلىدە بولىسە باستادى. جەكە وزىمە ەلىمىزدىڭ ءارتۇرلى وقۋ ورىندارىنىڭ ستۋدەنتتەرىنەن جۇزدەن اسا حات كەلدى. وسى ورايدا حاراسمەنتكە ۇشىراۋ ىقتيمالدىعى وتە جوعارى ءبىر توپ بار. ول – ستۋدەنتتەر”, – دەيدى قاراقات ابدەن.
ول سوڭعى ۋاقىتتارى مۇنداي جاعدايلاردىڭ كوپ تىركەلەتىنىن العا تارتتى.
"جىنىستىق قىسىمعا ۇشىراعان ەلوردالىق بويجەتكەننىڭ ىسىمەن تانىسىپ, بۇل سالادا كەمشىلىكتەردىڭ كوبىنە كوزىمىز جەتىپ وتىر. ءدال قازىر وقۋ ورنىندا ناقتى قانشا حاراسمەنت ورىن العانىن ايتا المايمىز. سەبەبى ستاتيستيكا جۇرگىزىلمەيدى. ال زاڭدا حاراسمەنت ۇعىمى جوق. جالپى زورلىق زومبىلىقتىڭ قاي ءتۇرىن بولسىن, حاراسمەنتتى دە قاتاڭ قاراپ, زاڭ جوباسىنا وزگەرىستەر مەن تۇزەتۋلەر ەنگىزۋ قاجەتتىلىگى تۋىنداپ وتىر. بۇل جولى ستۋدەنت قىزىمىز باتىل بولىپ شىقتى. ەشنارسەنى جاسىرماي, شىندىقتى ايتىپ, كىنالى جۇمىستان شىعارىلدى. بىراق ءبىز بۇل ماسەلەدە ستۋدەنتتىڭ باتىلدىعىنا, باسشىنىڭ ادىلدىگىنە عانا سەنۋىمىز دۇرىس ەمەس. دامىعان ەلدەردە حاراسمەنتتىڭ جازاسى وتە اۋىر. بىزگە دە كەشەندى شەشىمدەر كەرەك”, – دەپ ءتۇسىندىردى دەپۋتات.
ول بىرنەشە ۇسىنىستار ايتىپ, بۇل ماسەلەنىڭ زاڭ جۇزىندە شەشىلگەنىن قالايتىنىن جەتكىزدى.
"كەشە عانا مەكتەپ ءبىتىرپ, اۋىلىنان شىعىپ كورمەگەن اق ۇرپەك بالاپانداي جاپ جاس قىزداردى قورعاۋىمىز قاجەت. قازاق قىزى ءوز باسىنان وتكەن مۇنداي جاعدايدى ايتا بەرمەيدى. ماعان دا بۇل تاقىرىپتى كوتەرۋ وڭاي بولعان جوق. ويتكەنى ءبىزدىڭ تاربيەمىز وسىنداي. وسىعان بايلانىستى بىرنەشە ۇسىنىسىمىز بار. ءبىرىنشى, حاراسمەنتكە قاتىستى ءانونيمدى ساۋالنامانى ەلىمىزدىڭ بارلىق جوعارعى وقۋ ورىندارىندا تاۋەلسىز تۇردە وتكىزۋدى سۇرايمىز. ەكىنشى, پروفەسسورلىق وقىتۋشى قۇرام مەن بارلىق ستۋدەنت قىزدارعا حاراسمەنتكە قاتىستى زاڭنامالىق قۇقىقتىق تۇسىندىرمە جۇمىستارىن جۇرگىزۋ قاجەت. ءۇشىنشى, وقۋ عيماراتتارىن بەينەكامەرالارمەن تولىق قامتاماسسىز ەتۋدى جانە بارلىق جوو لاردىڭ جارعىسىنا حاراسمەنت تۋرالى ناقتى ەرەجەلەر ەنگىزۋدى سۇرايمىن. حاراسمەنت تە زورلىق زومبىلىقتىڭ ءبىر ءتۇرى”, – دەدى قاراقات ابدەن.
