وزبەكستانعا قانداي ونىمدەر ەكسپورتتالادى؟

ساراپشىلاردىڭ ايتۋىنشا, تاۋار اينالىمىنىڭ باسىم بولىگى ءداستۇرلى تۇردە قازاقستان ەكسپورتىنا تيەسىلى. 2,3 ملرد دوللار – مۇنىڭ ءوزى 2022 جىلدىڭ سايكەس كەزەڭىنەن 7 پا­يىزعا تومەن. كەرىسىنشە, يمپورت 4 پايىزعا ءوسىپ, 957,8 ملن دول­لارعا جەتكەن. ەلىمىزدىڭ تاۋار اينا­لىمىنىڭ جالپى قۇرىلىمىندا كور­شىلەس رەسپۋبليكانىڭ ۇلەسى – 3,2 پا­يىز. قازاقستان ەكسپورتىنداعى وزبەكستان ۇلەسى – 4 پايىز, يمپورتتا – 2,2 پايىز.

ەلىمىز نەگىزىنەن وزبەك اعا­يىن­دارعا بيداي مەن مەسلين تاسى­مالدايدى. ونىڭ قۇنى بيىل 615,4 ملن دوللاردى قۇراعان جانە بۇل بىلتىرعى كورسەتكىشتەن 19,1 پا­يىزعا ارتىق. سونىمەن بىرگە توت باس­پايتىن بولاتتان جاسالعان پرو­كات, بيداي ۇنى, ماي ونىمدەرى جانە تى­ڭايتقىشتار جەتكىزەدى. ولار بىز­گە نەگىزىنەن تريكوتاج كيىمدەرىن سا­تادى. قۇنى بيىل 36,3 ملن دوللار بولعان, سايكەسىنشە بىلتىرعى­دان 42,6 پايىزعا ارتىق. سونىمەن قاتار تانىمال يمپورت ساناتتارىنا جالپاق پروكات, اۆتوكولىكتەر­دىڭ قوسالقى بولشەكتەرى, اۆتوبۋس­تار, توڭازىتقىش جانە مۇزداتۋ جاب­دىق­تارى كىرەدى.

ۇكىمەت ءباسپاسوز قىزمەتىنىڭ حا­بارلاۋىنشا, قازاقستان مەن وزبەك­ستان ءوزارا ساۋدا كولەمىن 10 ملرد دول­لارعا دەيىن ارتتىرۋ بويىنشا بەل­­سەندى جۇمىس جۇرگىزىپ جاتىر. قا­زاق­­ستان ەكىجاقتى ءوزارا ءىس-قي­مىل­دىڭ بار­لىق سپەكترى بويىنشا وزبەك­ستان­مەن ىنتىماقتاستىقتى بىر­تىندەپ دا­مىتۋعا بار كۇش-جىگەرىن سالماق.

2023 جىلدىڭ 1 قاراشاسىنداعى جاعداي بويىنشا ەلدە وزبەكستان­نىڭ قاتىسۋىمەن 3 مىڭ كاسىپورىن مەن فيليال جۇمىس ىستەپ تۇر, بۇل بىل­تىرعىدان 44,4 پايىزعا كوپ. ولار­دىڭ بارلىعى دەرلىك – شاعىن كاسىپ­ورىندار. كومپانيالاردىڭ كوپ­­شىلىگى كوتەرمە جانە بولشەك ساۋ­دا, اۆتوكولىك پەن موتوتسيكل جوندەۋ سا­­لا­سىندا جۇمىس ىستەيدى. 904 كاسىپ­ورىن, ءبىر جىلدا 23,3 پايىزعا كو­بەيگەن.

ونەركاسىپتىڭ جەتەكشى بەستىگىنە سونداي-اق قۇرىلىس (552 كاسىپورىن, 36 پايىزعا كوبەيگەن), كولىك جانە قويمالاۋ (128 كاسىپورىن, 2,1 ەسە كو­­بەيگەن), تۇرۋ جانە تاماقتاندىرۋ قىز­­مەتى (123 كاسىپورىن, 32,3 پا­يىزعا كوبەيگەن) جانە وڭدەۋ ونەر­كاسىبى (109 كاسىپورىن, 10,1 پايىزعا كوبەيگەن) كىردى.

قازاقستان رەزيدەنتتەرىنىڭ وز­بەك­ستان ينۆەستورلارى الدىندا­­عى مىن­­دەتتەمەلەرى بيىل 1 شىلدەدە ­ 385 ملن دوللارعا جەتكەن. بۇل بىل­­تىرعىدان 16,6 پايىزعا ارتىق. سا­لىستىرۋ ءۇشىن ايتار بولساق, بىل­تىر ءدال وسى كەزەڭدە بۇل ­330,1 ملن دوللار بول­عان, كورسەتكىش ءبىر جىلدا 17,8 پا­يىز­عا ءوسىپ وتىر.