فوتو: parlam.kz
ءبىلىم بەرۋ جانە تالىمگەرلىك ماسەلەلەرى بويىنشا زاڭ جوباسى جايىندا بايانداما جاساعان دەپۋتات اسحات ايماعامبەتوۆ وقۋشىلاردىڭ ساباق ۇستىندە ۇيالى تەلەفوندى ۇستاۋىنا شەكتەۋ قويۋ جونىندە نورما ەنگىزىلگەنىن ايتتى.
«ساباق كەزىندە شەكتەۋ تۋرالى نورما ەنگىزىلدى. مەكتەپكە تەلەفون اكەلىپ ۇزىلىستە قولدانامىن دەسە, قارسىلىق جوق. ساباق كەزىندە بالا ينستاگرام, تيك-توكتى قىزىقتاپ, باسقا ماسەلەمەن اينالىسۋىنا شەكتەۋ قويىلىپ وتىر. ەگەر مۇعالىم ساباق جوسپارى بويىنشا رۇقسات ەتسە, شەكتەۋ قويىلمايدى. قازىر زامان تالابىنا ساي وقىتۋ جۇيەسىن تاڭدايتىن مۇعالىمدەر دە بار. Kahoot سەكىلدى باسقا دا قوسىمشالاردى پايدالانىپ ساباق وقىتۋ جۇيەسىن قولدانادى. ال وعان سمارتفون قاجەت بولادى. سوندىقتان دا ساباقتا يننوۆاتسيالىق تەحنولوگيالاردى قولدانۋ ءۇشىن مۇعالىمنىڭ ساباق جوسپارىندا تەلەفوننىڭ قاجەتتىگى جازىلسا, شەكتەۋ جوق. ال وقۋشى ء وز ماسەلەسى بويىنشا پايدالانام دەسە, رۇقسات ەتىلمەۋى كەرەك. جالپى وقۋشى مەكتەپكە تەلەفون اكەلۋىنە توقتام سالمايمىز», دەدى زاڭ جوباسىنداعى نورمالاردى تۇسىندىرگەن ا.ايماعامبەتوۆ.
