«اشىق نقا» پورتالىندا «قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا جەكە سايكەستەندىرۋ ءنومىرىن قالىپتاستىرۋ جانە تۇزەتۋ» مەملەكەتتىك قىزمەت كورسەتۋ قاعيدالارىن بەكىتۋ تۋرالى» بۇيرىق پايدا بولدى.
قۇجاتقا سايكەس, ەندى جسن الۋ ءۇشىن شەتەلدىكتەر حالىققا قىزمەت كورسەتۋ ورتالىعىنا ءوزى كەلىپ, ءوتىنىش تولتىرۋى قاجەت. ولاردىڭ وزىمەن بىرگە جەكە كۋالىگى دە بولۋى كەرەك.
«جسن قالىپتاستىرۋ ءۇشىن شەتەلدىك نەمەسە ازاماتتىعى جوق ادام تۇرعىلىقتى جەرى بويىنشا مەملەكەتتىك كورپوراتسيا ارقىلى كورسەتىلەتىن قىزمەتتى بەرۋشىگە ءوتىنىش بەرۋ ارقىلى جەكە ءوزى جۇگىنەدى», - دەلىنگەن قۇجاتتا.
بۇعان دەيىن ەلەكتروندى ۇكىمەت پورتالى ارقىلى قۇجاتتى قاشىقتان الۋعا بولاتىن.
