ۇلىتاۋ وبلىسىنىڭ ورتالىعى جەزقازعان قالاسىندا تۇراتىن ءبىر توپ جاس اقىن ءوزارا باس قوسىپ, وبلىستىق ادەبي كلۋب ۇيىمداستىردى. كلۋبقا «ۇلار» اتاۋى بەرىلدى.
قۇرامىنا جانات ابدىعوجين, مەدەت قاراحمەتوۆ, اباي وراز, مۇقاعالي سەيتقازى, قانات مۋسين, ءمادي ولجاباي جانە جولامان ماعزۇم ءتارىزدى جاس تالانتتار توپتاسقان ادەبي كلۋب «جايلاۋى جاس قالامنىڭ – البىرت سەزىم» تاقىرىبىمەن وبلىس اۋدان, قالالارىن ارالاپ, پوەزيا كەشتەرىن وتكىزە باستادى.
ء«بىز قازىردىڭ وزىندە جاڭاارقا اۋدانىنىڭ ورتالىعى اتاسۋ كەنتىندە, قاراجال قالاسىندا, ۇلىتاۋ اۋدانىندا جىرسۇيەر قاۋىممەن جۇزدەستىك. ماقسات – كوپشىلىكتىڭ ولەڭگە, جالپى ادەبيەتكە دەگەن قىزىعۋشىلىعىن وياتۋ. سونىمەن بىرگە ەل اراسىندا جۇرگەن تالانتتى جاستاردى ىزدەستىرۋ. الداعى ۋاقىتتا وبلىس ورتالىعىندا ۇلكەن پوەزيا كەشىن ۇيىمداستىرۋ ويىمىزدا بار. بۇل كەشكە اۋىلدارداعى, اۋدان, قالالارداعى قاتارىمىزعا قوسىلعان جاستار دا قاتىساتىن بولادى», دەيدى كلۋب توراعاسى اباي وراز.
ۇلىتاۋ وبلىسى
