سينوپتيكتەردىڭ ايتۋىنشا, جەلتوقسان ايىندا قازاقستاندا اۋا تەمپەراتۋراسى نورمادان 1-2 گرادۋسقا جوعارى بولادى دەپ كۇتىلەدى.
“جەلتوقساندا جىلدىڭ ەڭ ۇزاق تۇندەرى مەن ەڭ قىسقا كۇندەرى بايقالادى. اۋا تەمپەراتۋراسىنىڭ تومەندەۋى جالعاسادى. كاسپي تەڭىزىنىڭ شىعىس جاعالاۋىندا ورتاشا ايلىق اۋا تەمپەراتۋراسى بۇرىنعىسىنشا وڭ, +1 گرادۋسقا دەيىن, رەسپۋبليكانىڭ قالعان بولىگىندە وڭتۇستىك-باتىس پەن وڭتۇستىكتەن 0 - 5°س سولتۇستىككە جانە شىعىسقا قاراي -13-18°C گرادۋسقا دەيىن تومەندەيدى. ەڭ تومەنگى ورتاشا ايلىق اۋا تەمپەراتۋراسى شىعىس قازاقستان وبلىسىنىڭ سولتۇستىك-شىعىسىندا بايقالادى, اۋا تەمپەراتۋراسى -20-24°س قۇرايدى”, دەلىنگەن حابارلامادا.
سولتۇستىك وبلىستاردا, وڭتۇستىك-شىعىس ايماقتاعى تاۋ ەتەگىندە جانە وڭتۇستىكتىڭ تاۋلى ايماقتاردا قار جامىلعىسىنىڭ ورتاشا بيىكتىگى جەلتوقساننىڭ اياعىندا 10-20 سم-گە جەتەدى. ەڭ جوعارى قار جامىلعىسى ەلىمىزدىڭ شىعىسىنداعى تاۋلى ايماقتاردا بايقالادى. بيىكتىگى شامامەن – 25-66 سم دەيىن جەتەدى. ال ماڭعىستاۋ وبلىسىنىڭ وڭتۇستىگىندە مۇلدە قار جاۋمايدى دەپ كۇتىلەدى.
قاڭتاردا اۋانىڭ ورتاشا ايلىق تەمپەراتۋراسى قازاقستان بويىنشا نورمادان 2 گرادۋسقا جوعارى بولادى دەپ كۇتىلۋدە.
قاڭتارداعى جاۋىن-شاشىن مولشەرى رەسپۋبليكانىڭ باسىم بولىگىندە نورماعا جاقىن, باتىس قازاقستان, اتىراۋ, شىعىس قازاقستان وبلىستارىندا, اقتوبە, قوستاناي, سولتۇستىك قازاقستان, اقمولا وبلىستارىنىڭ باسىم بولىگىندە, ەلىمىدىڭ شىعىس بولىگىندە نورمادان كوپ بولادى دەپ كۇتىلەدى.
اقپان ايىندا دا رەسپۋبليكا بويىنشا ورتاشا ايلىق اۋا تەمپەراتۋراسى نورمادان 2 گرادۋسقا جوعارى بولادى.
اقپان ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورمادان جوعارى, اباي وبلىسىندا, شىعىس قازاقستان, الماتى, جەتىسۋ وبلىستارىندا, جامبىل وبلىسىنىڭ باسىم بولىگىندە, قاراعاندىنىڭ وڭتۇستىك-شىعىسىندا نورمادان جوعارى تۇسەدى.
