سوندىقتان اۋا رايى وزگەرگەن كەزدە ينسۋلتكە شالدىعۋشىلار سانى ارتادى. ماماندار, ءتىپتى سوڭعى كەزدەرى جاستار اراسىندا دا اتالعان دەرتتىڭ دەندەپ كەتكەنىن تىلگە تيەك ەتتى.
35 جاستاعى الماتىلىق تۇرعىن ءينسۋلتتىڭ بىردەن ەكى ءتۇرىن الىپ, اۋرۋحاناعا تۇسكەن. ول باسىنىڭ اۋىرعانىن ايتىپ, 2 كۇن بويى جۇرە بەرىپتى. كەيىن ەسىنەن تانىپ قۇلاعان كەزدە عانا شىمكەنت قالالىق №2 اۋرۋحاناعا جەتكىزىلگەن. 1 اپتاداي جانساقتاۋ بولىمىندە جاتقان باعلان قازىر پالاتاعا اۋىستى.
«باسىم اۋىردى. ءوزىم بىلمەي قالدىم نە بولعانىن. ەسىمدى جوعالتىپ قۇلادىم, كوزىمدى اشسام وسىندا جاتىرمىن. ەسىمدە ەشتەڭە جوق» – دەيدى باعلان.
ناۋقاس باسىنىڭ اۋىرعانىن كوپ ۋايىمداعاننان دەپ توپشىلاعان. ال ماماندار جىگىتتىڭ قان قىسىمى 160-تان جوعارى كوتەرىلىپ كەتكەنىن انىقتاعان. قازىر ول جانساقتاۋ بولىمىنەن شىعارىلعانمەن, ەسىن تولىق جيناپ ۇلگەرمەپتى.
«تۇسكەن كەزدە اۋىر حالدە بولدى. جانساقتاۋ بولىمىندە ەس-ءتۇسسىز جاتتى. قازىر ناۋقاستىڭ ەسى تولىق ەمەس, ەمدەلىپ جاتىر. يشيميالىق ينسۋلت العان. كەيىن ترانسفورماتسيا بولىپ, تامىرى جارىلىپ كەتكەن. اسەرىنەن ميىنا قان كەتكەن. بۇل ارالاس ينسۋلت دەپ اتالادى», دەيدى ورتالىق مەڭگەرۋشىسى رۋسلان تاستانبەكوۆ.
دارىگەرلەر ءينسۋلتتى ەرتە انىقتاسا, جازىلۋ مۇمكىندىگى جوعارى بولاتىنىن ايتادى. ال كۇز-قىس ايلارىندا اتالعان دەرتكە شالدىعۋ كورسەتكىشى ارتاتىن كورىنەدى. ونىڭ سەبەبىن اق حالاتتىلار كۇننىڭ سۋىتۋىمەن بايلانىستىرادى. اۋا رايى وزگەرگەن كەزدە قان قىسىمى دا تەز وزگەرگىش كەلەدى.
«اۋا رايى اۋىسادى عوي, سوعان بايلانىستى ارتەريالىق قان قىسىمى جوعارىلاي باستايدى. قان قىسىمى تۇراقتى بولماعاندىقتان گەمورراگيالىق ينسۋلت كوبەيدى. جاز ايلارىندا 30 پايىزداي بولسا, قازىر 50 پايىزعا دەيىن ينسۋلتپەن كەلۋشىلەر سانى كوبەيدى», دەيدى ينسۋلت ورتالىعىنىڭ مەڭگەرۋشىسى رۋسلان تاستانبەكوۆ.
قازىر ماماندار ينسۋلتكە شالدىققان ناۋقاستاردى سەرەبرا اتتى باعدارلامامەن باقىلاۋ مۇمكىندىگىنە يە بولعان. وندا ازاماتتىڭ كومپيۋتەرلىك توموگرافيا, اناليز ناتيجەلەرى جاريالانادى. سول ارقىلى كەز كەلگەن ۋاقىتتا اۋرۋ سالدارىن انىقتاپ, ەم-دوم شارالارىن كورسەتۋ جەڭىلدەيدى.
