«ماسس-مەديا تۋرالى» زاڭ جوباسى قارالادى

دەپۋتاتتاردىڭ تالقىلاۋىنا «ماسس-مەديا تۋرالى» جانە وعان ىلەسپە زاڭ جوبالارىن ءبىرىنشى وقىلىمدا قاراۋ ۇسىنىلادى. زاڭ جوباسى وسى سالاداعى بار­لىق قاتىسۋشىنىڭ مۇددەسى مەن قوعامنىڭ سۇرانىسىن ەسكەرە وتىرىپ, باق تۋرالى زاڭنامانى جەتىلدىرۋگە باعىتتالعان.

الداعى جالپى وتىرىستا ءماجىلىس ءبىلىم بەرۋ جانە تالىم­گەرلىك ماسەلەلەرى بويىنشا وزگە­رىستەر مەن تولىقتىرۋلار ەنگىزۋ زاڭ جوباسىن دا قارايتىن بولادى.

سونىمەن قاتار دەپۋتاتتار­عا تاۋەلسىز مەملەكەتتەر دوستاس­تىعىنا قاتىسۋشى مەملەكەت­تەردىڭ اۋماقتارىن سانيتا­ر­لىق قورعاۋ سالاسىنداعى ىنتىماقتاستىق تۋرالى كەلى­سىمدى راتيفيكاتسيالاۋ جانە مەم­لەكەتتىك كورپوراتسيا ماسەلە­لەرى بويىنشا وزگەرىستەر مەن تولىق­تىرۋلار ەنگىزۋ تۋرالى زاڭ جوباسى ەكىنشى وقىلىمدا ۇسىنىلادى.

جالپى وتىرىستا ءماجىلىس كوميتەتتەرى بىرقاتار زاڭ جوباسىن جۇمىسقا الادى. ولار: قۇرىلىس سالاسىن جەتىلدىرۋ جانە تۇرعىن ءۇي قۇرىلىسىندا ۇلەس­تىك قاتىسۋ ماسەلەلەرى بويىن­شا, مەملەكەتتىك ستاتيستيكا جانە دە­رەكتەردى باسقارۋ تۋرالى, سونداي-اق 2014 جىلعى 29 مامىرداعى ەۋرا­زيالىق ەكونوميكالىق وداق تۋرالى شارتقا وزگەرىستەر ەنگى­زۋ تۋرالى حاتتامانى راتيفيكاتسيا­لاۋ مەن وعان ىلەسپە زاڭ جوبالارى.