ۆەدومستۆونىڭ حابارلاۋىنشا, پوليتسەيلەر كونتراباندانى ۇيىمداستىرۋشى دەگەن كۇدىككە ىلىنگەن نيگەريالىق ازاماتتى تەرگەپ جاتىر, ول قازاقستان ازاماتىنا ەلدەر اراسىندا زاتتاردى تاسىمالداۋ ارقىلى اقشا تابۋدى ۇسىنعان. ونىڭ نيگەريادا قاماۋعا الىنعانىنا ءبىر جارىم جىلداي ۋاقىت ءوتتى. الايدا, كۇدىكتى قازاقستانعا ەكستراديتسيالانبايدى.
«نيگەريا ازاماتى اديندۋ نونسو فورتۋنعا قاتىستى قىلمىستىق ءىس «ادامدار توبىنىڭ الدىن الا ءسوز بايلاسۋىمەن ەسىرتكى قۇرالدارىن, پسيحوتروپتىق زاتتاردى وتكىزۋ ماقساتىندا زاڭسىز الۋ, ساقتاۋ, تاسىمالداۋ» بويىنشا تەرگەلىپ جاتىر, سول سەبەپتى ءىس وتە اۋقىمدى», دەلىنگەن اقپاراتتا.
ديپلوماتيالىق ارنالار ارقىلى ونى ەكستراديتسيالاۋ تۋرالى ءوتىنىش نيگەريانىڭ قۇزىرلى ورگاندارىنا جىبەرىلگەن.
ايتا كەتەيىك, اقجارقىن تۇرلىباي 2014 جىلى گۋانچجوۋ اۋەجايىندا ۇستالعان بولاتىن. ول ەسىرتكى كونترابانداسى ءۇشىن ايىپتالىپ, ءومىر بويىنا باس بوستاندىعىنان ايىرىلعان.
2015 جىلى قازاقستاننىڭ ىشكى ىستەر مينيسترلىگى اقجارقىندى ەسىرتكى قىلمىسىنا الداپ يتەرمەلەگەن نيگەريا ازاماتىنا قاتىستى قىلمىستىق ءىس قوزعادى. 2022 جىلعى 20 ماۋسىمدا اقجارقىن تۇرلىبايدىڭ ادۆوكاتى سۇڭقار نۇرماعامبەتوۆ كۇدىكتى نيگەريا ازاماتى شەتەلدە ۇستالعانىن مالىمدەدى. بۇعان دەيىن وعان حالىقارالىق ىزدەۋ جاريالانعان بولاتىن.
