ادىلەت ءمينيسترى اياز باەتوۆتىڭ ايتۋىنشا, بۇل تەحنولوگيا ۇيقاماققا الۋ رەجيمىن بۇزۋ جاعدايلارىنىڭ سانىن ازايتۋعا, سونداي-اق قۇقىق قورعاۋ ورگاندارىنىڭ تيىمدىلىگىن ارتتىرۋعا سەپتىگىن تيگىزەدى.
بىلەزىكتەر وتباسىنداعى زورلىق-زومبىلىق ماسەلەسىن شەشۋدە تيىمدىلىگىن كورسەتەدى دەگەن پايىمدا شەنەۋنىك.
«وتباسىندا زارداپ شەككەن ادامعا قورعاۋ وردەرىنىڭ ورنىنا –ارنايى جەتون, ال زورلىق-زومبىلىق جاساۋشىعا ەلەكتروندى بىلەزىك بەرىلەدى. زورلىقشى زارداپ شەككەن ادامعا 1 شاقىرىمنان از قاشىقتىقتا جاقىنداعان كەزدە دابىل بەلگىسى ىسكە قوسىلادى. بۇل جاعدايدا دابىل بەلگىسى تەك جەتونعا ەمەس, قۇقىق قورعاۋ ورگاندارىنا دا تۇسەدى», - دەپ جازدى ءمينيستردىڭ ءسوزىن كابار سايتى.
ۆەدومستۆو باسشىسىنىڭ اتاپ وتۋىنشە, قازىرگى ۋاقىتتا مينيسترلىك ەلەكتروندى بىلەزىكتەردى ەنگىزۋگە تولىق دايىن, بىراق جوگوركۋ كەنەش زاڭ جوباسىن ءالى قاراستىرعان جوق.
