الماتى تۇرعىنى الەۋمەتتىك جەلىگە ەسكەرتكىشتەگى جازبالاردىڭ سۋرەتىن جاريالادى. ۆاندالدار ەسكەرتكىشكە دەنيس تەننىڭ ولىمىنە كىنالىلەر تۋرالى اقپاراتتى جازعان. وندا اۆتور ءوزى تۋرالى مالىمەتتەردى دە - اتى-ءجونىن, تەلەفون ءنومىرىن, ءتىپتى مەكەن-جايىن دا قالدىرعان.
پوليتسيا دەپارتامەنتى دەنيس تەننىڭ ەسكەرتكىشىنە قاتىستى ۆاندالداردىڭ ءىسى تىركەلگەنىن راستادى.
"دەنيس تەننىڭ جارقىن بەينەسىنە قويىلعان ەسكەرتكىشكە بۇزاقىلىق جاسادى دەگەن كۇدىكتى ۇستالدى. ول الماتى قالاسىنىڭ تۇرعىنى بولىپ شىقتى, پسيحونەۆرولوگيا ديسپانسەرىندە ەسەپتە تۇر. قىلمىستىق ءىس اياسىندا ساراپتامالار تاعايىندالىپ, ونىڭ قورىتىندىسى بويىنشا پروتسەسسۋالدىق شەشىم شىعارىلدى. ۇستالعان ادام پسيحيكالىق دەنساۋلىق ورتالىعىنا ورنالاستىرىلدى», - دەلىنگەن الماتى قالالىق پوليتسيا دەپارتامەنتىڭ حابارلاماسىندا.
