جاس مامانعا جۇمىس دايىن

وبلىستىق ءبىلىم باسقار­ما­سى­نىڭ مالىمەتىنشە, وقۋ-اعارتۋ مي­­نيسترلىگى وتكەن وقۋ جىلىن­دا­ كاسىپورىنداردىڭ تاپسىرىسى­ بو­يىن­شا كادر دايارلاۋدى­ ەنگىز­گەن بولاتىن. بۇل ءوز كەزەگىندە ەڭ­بەك نارىعىندا سۇرانىسى بار مامان­دىقتارعا مامان دايارلاۋع­ا­ مۇمكىندىك بەرەدى. بۇل رەت­تە جۇ­مىس بەرۋشىلەر ءوز كاسىپ­ورىن­دا­رى­نىڭ بازاسىندا­ ستۋ­دەنت­­تەردىڭ تاجى­ري­بەدەن جانە تاعى­لىم­دامادان وتۋىنە جاع­داي جاساپ, وقۋ­ىن اياقتاعان سوڭ جۇمىسقا قابىلداۋ مىن­دەتىن الىپ وتىر.

سونىمەن قاتار وبلىس­ اكىمىنىڭ تاپسىرماسىنا ساي­كەس كول­لەدج­دەردى بەيىندەۋ جۇمىس­تارى جۇر­گى­زىلدى. سونىڭ ناتيجەسىندە 15 كول­لەدجدەگى بەيىن­دەرى سايكەس كەلمەيتىن 91 ماماندىقتىڭ 45-ءى جابىلدى جانە وڭىردەگى 13 كوللەدجدە «لاندشافتى ديزاين», «كينولوگ», «لوگوپەد», «BIM-تەحنيك», «كيىم ديزاينى», «گرافيكالىق جانە مۋل­تي­­مەديالىق ديزاين» جانە تاعى دا باسقا ەڭبەك نارىعىندا سۇرا­نىسقا يە 17 جاڭا ماماندىق اشىلدى.

مەملەكەتتىك تاپسىرىستى جۇ­مىسشى ماماندىقتارىنا قايتا باعدارلاۋ جۇمىستارى اتقا­رىل­دى. سونىڭ ناتيجەسىندە بيىل جۇمىسشى ماماندىقتارعا مەم­لە­كەت­تىك تاپسىرىس كولەمى وتكەن جىل­­مەن سالىستىرعاندا 268 ورىن­عا ۇلعايدى. سول سياقتى 2024 جىلعا تاعى بىرقاتار جاڭا مامان­­دىقتى اشۋ جوسپارلانىپ وتىر. ولاردىڭ قاتارىندا بالىق شارۋاشىلىعى, جىلى­جاي شارۋاشىلىعىن ۇيىم­داس­تى­رۋ, كران ءماشينيسى, مال شا­­ر­ۋا­­شىلىعى كەشەندەرى مەن مەحا­ني­كا­­لان­دىرىلعان فەرمالاردىڭ وپەراتورى, پيلوتسىز ۇشۋ اپپا­رات­تارى­نىڭ وپەراتورى, ۇنتاقتاۋ-سۇرىپ­تاۋ جابدىعىنىڭ وپەراتورى, ءتۇتۋ ءوندىرىسىنىڭ ماشينا­لا­رى مەن جابدىقتارىنىڭ وپەرا­تو­رى, سۋمەن جابدىقتاۋ جانە سۋ بۇرۋ جۇيەلەرىنىڭ تازارتۋ قۇرى­لىس­تارىن پايدالانۋ سەكىلدى مامان­دىق­تار بار.

«ەڭبەك نارىعىندا باسەكەگە قابىلەتتى مامان دايارلاۋ – ءاربىر وقۋ ورنىنىڭ باستى مىندەتى. مەملەكەت باسشىسىنىڭ تاپسىرماسىنا ساي «ساپالى ءبىلىم بەرۋ ء«بىلىمدى ۇلت» ۇلتتىق جوبا­سىن ىسكە اسىرۋ شەڭبەرىندە 2025 جىلعا قاراي سۇرانىسقا يە ما­مان­دىقتار بويىنشا جاستاردى تەگىن تەح­ني­كالىق جانە كاسىپتىك ءبىلىم بەرۋمەن تولىق قامتۋ كوزدەلگەن. وسى جىلى مەم­­ل­ەكەتتىك تاپسىرىستىڭ ۇل­عاي­­­­عا­نىن ەسكەرىپ, جاستاردى كول­لەدج­­دەردە 9-سىنىپ نەگىزىندە تەگىن تەحنيكالىق جانە كاسىپتىك بى­لىم­مەن قامتۋ 84,4 پايىزعا جەت­كىزىلدى. 2025 جىلعا قاراي بۇل كور­سەتكىش 100 پايىزعا جەتەدى دەپ جوس­پارلانعان», دەيدى وبلىستىق ءبى­لىم باسقارماسىنىڭ ماماندارى.

سونداي-اق وبلىستا 14 كوللەدج­دە دۋالدى وقىتۋ جۇيەسى ەنگىزىلگەن. وندا 25 ماماندىق بويىنشا 2734 ءبىلىم الۋشى دايارلانىپ جاتىر. 249 كاسىپورىنمەن 262 كەلىسىمشارت جا­سالدى. ياعني تۇلەكتەر پراكتيكادان ءوتىپ, ءارى قاراي جۇمىسقا تۇرا الا­دى. دۋالدى وقىتۋدى ەنگىزۋدە جانە كاسىپورىندارمەن تابىستى بىر­لەس­كەن ءىس-قيمىلدىڭ ءتيىمدى ۇلگىسىن تال­دىقورعان سەرۆيس جانە تەحنولو­گيا­لار كوللەدجى, تەكەلى كاسىپتىك كول­لەدجى, تالدىقورعان اگرارلىق-تەح­نو­لوگيالىق كول­لەد­جى كورسەتىپ وتىر. وسى ورايدا كول­لەدجدىڭ ءىرى بيزنەس­پەن تىعىز قارىم-قاتىناسى ءبىلىم بەرۋ باع­دار­­لامالارىنىڭ مازمۇنىن جاڭار­تۋعا مۇمكىندىك بەردى.

وسى ماقساتتا كوللەدجدىڭ ءاربىر تۇلەگىنىڭ بيزنەس داع­دى­لارىنا يە بولۋىنىڭ ماڭىز­دىلىعىن ەسكەرىپ, تالدى­قور­عان جوعارى پولي­تەح­نيكا­لىق كوللەدجىنىڭ بازاسىن­دا كاسىپكەرلىك قوعام­داس­تىق وكىل­دە­رىن تارتا وتىرىپ, ستۋ­دەنتتىك بيزنەس-ينكۋباتور قۇرىل­دى. سول سياقتى «جاس مامان» جوبا­سى اياسىندا 7 مەملەكەتتىك كول­لەدجدە 11 قۇزىرەتتىلىك ورتا­لىعى اشىلىپ, ولاردىڭ بازا­سىندا «WorldSkills» چەمپيوناتىنا دايىندىق الاڭ­دارى, تالدىقورعان جوعارى پولي­­تەحنيكالىق كوللەدجىنىڭ بازا­سىن­دا «Startap» اكادەمياسى­ قۇرىلدى. ورتالىقتاردا اكا­دە­ميالىق ۇتقىر­لىق شەڭبەرىندە اۋىلدىق كوللەدج ستۋدەنتتەرىنە پراكتيكالىق ساباقتار وتكىزىلەدى, ارنايى پاندەر وقىتۋشىلارى مەن وندىرىستىك وقىتۋ شەبەر­لە­رىنە بىلىكتىلىگىن ارتتىرۋ,­ قايتا دايارلاۋ كۋرستارى ۇيىم­داس­تى­رى­لادى.

ەسكە سالا كەتەيىك, وبلىس­تا 27 كوللەدج جۇمىس ىستەيدى, وندا 14 773 ستۋدەنت ءبىلىم الىپ جاتىر. وقۋ ورىندارى اۋىل شارۋاشىلىعى, قىزمەت كورسەتۋ, قۇرىلىس, ماشينا­جاساۋ سالالارى, سونداي-اق تەحني­كالىق, پەداگوگيكالىق, زاڭ­گەرلىك, ەكونوميكالىق, مەدي­تسينالىق با­عىت­تارعا 61 ماماندىق جانە 102 بىلىك­تىلىك بو­يىنشا مامان دايارلايدى.

جەتىسۋ وبلىسى