الەۋمەتتىك جەلىدە كامەلەتكە تولماعان بالانىڭ قوعامدىق ورىندا ۇلتتىق قاستەرلى اسپابىمىز - دومبىرانى سىندىرعان ۆيدەوسى تاراپ كەتتى.
وسىعان بايلانىستى قالالىق پوليتسيا قىزمەتكەرلەرى ءجاسوسپىرىمنىڭ اتا-اناسىن انىقتاپ, جاۋاپكەرشىلىككە تارتتى.
بالانىڭ زاڭدى وكىلدەرىنە قازاقستان رەسپۋبليكاسى اقبتك-ءنىڭ 127-بابى (كامەلەتكە تولماعان بالانى تاربيەلەۋ جانە (نەمەسە) وقىتۋ, قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ) بويىنشا حاتتاما تولتىرىلىپ, ايىپپۇل سالىندى.
«اقتاۋ قالاسىنىڭ اكىمدىگى مەن جەرگىلىكتى پوليتسيا قىزمەتى اتا-انالاردى بالالارىنا مۇنداي ارەكەتتەرگە جول بەرىلمەيتىنى تۋرالى حاباردار ەتىپ, قورشاعان ورتاعا ۇقىپتى جانە جاۋاپكەرشىلىكپەن قاراۋ قاجەتتىگىن قاتاڭ ەسكەرتۋگە شاقىرادى», دەلىنگەن قالالىق اكىمدىك تاراتقان حابارلامادا.
