«قازاقستان جاستارى» جوباسى تالقىلاندى

جيىندا ناشاقورلىققا جانە ەسىرتكى بيزنەسىنە قارسى كۇرەستىڭ 2023-2025 جىلدارعا ارنالعان كەشەندى جوسپارىن ىسكە اسىرۋ جانە لۋدومانياعا قارسى ءىس-قيمىل جونىندەگى جول كارتاسىنىڭ جوباسىن ازىرلەۋ ماسەلەسى تالقىلاندى.

مەملەكەتتىك كەڭەسشى ناشا­قورلىق پەن لۋدومانياعا قارسى كۇرەسۋ جانە وسى ىندەتتىڭ الدىن الۋ ەلىمىزدە زاڭ مەن ءتارتىپ قاعي­دات­تارىن تۇبەگەيلى ورنىقتىرۋعا قاتىس­تى جۇمىستىڭ ماڭىزدى باعىتى ەكەنى­نە توقتالدى. كەڭەس مۇشە­لەرى وسى ماڭىزدى ىسكە بەلسەندى از­اماتتار­دىڭ بارىنشا اتسالى­سۋى كەز كەلگەن قۇقىق بۇزۋشى­لىق­قا مۇلدەم توزبەيتىن قوعام ق­الىپ­تاستىرۋعا ىقپال ەتەتىنىن اتاپ ءوتتى.

سونداي-اق كەڭەس وتىرىسىندا جىل سايىن ازىرلەنەتىن «قازاقستان جاستارى» ۇلتتىق بايانداماسىنىڭ جوباسى تالقىلاندى. باياندامادا ادەتتەگىدەي دەموگرافيا, دەنساۋ­لىق, ءبىلىم جانە عىلىم, ازامات­تار­دىڭ ەكونوميكالىق ءىس-ارەكەتتەرى جانە ازاماتتىق-ساياسي ۇدەرىستەرگە قاتى­سۋى سياقتى ماڭىزدى الەۋمەت­تىك ولشەمدەر قامتىلعان.

كەزدەسۋ سوڭىندا ەرلان قارين بۇگىندە جۇزەگە اسىرىلىپ جات­قان رەفورمالار, ەڭ الدىمەن, جاستار­عا ارنالاتىنىن جانە جاستارىمىز ەلدەگى وزگەرىستەردىڭ نەگىزگى قوزعاۋشى كۇشى سانالاتىنىن اتاپ ءوتتى. مەملەكەتتىك كەڭەسشى كەڭەس مۇشەلەرىن قازاقستان جاستارىنا قاتىستى قوردالانعان ماسەلەلەردى ءتيىمدى شەشۋ ءۇشىن ءاردايىم بەلسەندى بولۋعا شاقىردى.