تەحنولوگياعا سايكەس, جول قوسپاسى الدىن الا دايىندىقسىز, ياعني تاس توسەلمەي تۇرىپ, بىردەن جەر بەتىنە توسەلەدى. اسفالتتى تەگىستەيتىن اۋىر دوڭعالاقتى تراكتوردىڭ قاجەتى جوق. بارلىعى ءوز سالماعىمەن تىعىزدالادى. ول ءۇشىن كولىك قوزعالىسىن ءتورت ساعاتقا جابۋ كەرەك.
ازىرگە تاجىريبە رەتىندە 400 مەتر جول سالىندى. ونى قازىردىڭ وزىندە اۋىر جۇك كولىكتەرى سىناپ جاتىر. وسى تەحنولوگيانىڭ ارقاسىندا مەگاپوليس قىسقا مەرزىمدە قارا جولدار ماسەلەسىن شەشكىسى كەلەدى, ونىڭ شەتىندە شامامەن 158 شاقىرىم بار.
"بۇل - سۋىق قايتا وڭدەۋمەن توسەلگەن ءبىرىنشى جول. بۇل قازاقستاننىڭ ەشبىر ايماعىندا تاجىريبەدە بولعان جوق. بۇل جول ساپا ورتالىعىنىڭ باقىلاۋىندا, ءبىز قىسقى ماۋسىمدا جولدىڭ ايازعا توزىمدىلىگىن تەكسەرەمىز», - دەدى شىمكەنت قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ.
