قازاقستان - سلوۆەنيا ماتچى ءۇشىن شەلپەك پىسىرگەن اجەگە كوپشىلىك ريزا بولدى

بەينەجازبانى قازاقستان فۋتبول فەدەراتسياسى الەۋمەتتىك جەلىدەگى  پاراقشاسىنا جاريالادى.

"اجەمىز دايىن. جىگىتتەر دايىن. سىزدەر دايىنسىزدار ما؟

اجە, جىگىتتەر الاڭدا بارىن سالادى, ۋادە بەرەمىز!" - دەلىنگەن ۆيدەونىڭ تۇسىنىكتەمەسىندە.

وندا الدەبىر ەر ادامنىڭ اجەيدەن "شەلپەكتى نەگە ءپىسىرىپ جاتىرسىز؟" دەپ سۇراعانىن كورۋگە بولادى.

"فۋتبول. قازاقتار وينايدى. بۇگىن وينايدى. ساعات 1-دە باستايدى", - دەپ جاۋاپ بەرەدى ك ۇلىمسىرەگەن اجە.

جەلى قولدانۋشىلارى كوپتەگەن جىلى پىكىرلەرىن جازعان.

"ەۆروعا شىقساق, اپامىزدى اپارۋ كەرەك قوي گەرمانياعا!", "جانىم, اجەتاي! نيەتىڭىز قابىل بولىپ, ءومىر جاسىڭىز ۇزاق بولسىن!", "نە دەگەن موتۆاتسيا! العا باسىڭدار, جىگىتتەر", "اق جاۋلىقتى انامىزدىڭ دۇعاسى قابىل بولسىن", "قارتتارىمىزدىڭ تىلەگى قابىل بولىپ, بۇيىرسا 1:0 ەسەبىمەن جەڭسەك بولار ەدى" دەگەن كوپشىلىك.

ايتا كەتەيىك, 21 قاراشادا تۇندە فۋتبولدان سلوۆەنيا مەن قازاقستان ۇلتتىق قۇرامالارى "ن" توبىنداعى ەكىنشى جولداما ءۇشىن ماڭىزدى ماتچ وتكىزەدى. ليۋبلياناداعى ويىن استانا ۋاقىتىمەن تۇنگى 01:45-تە باستالادى. 

ماتچتى تىكەلەي ەفيردە Qazaqstan جانە QazSport ارنالارى كورسەتەدى.