سەناتور ءوز سوزىندە ارمەنيا مەن قازاقستاننىڭ ەكىجاقتى تۇردە دە, بىرقاتار ينتەگراتسيالىق بىرلەستىك اياسىندا دا ءوزارا ءىس-قيمىلى دەڭگەيىنىڭ جوعارى ەكەنىن اتاپ ءوتتى. «قازاقستان مەن ارمەنيا اراسىنداعى ءوزارا پارلامەنتارالىق ءىس-قيمىل جوعارى دەڭگەيدە جۇزەگە اسىپ كەلەدى. وعان دوستىق توبىنىڭ قىزمەتى دە ىقپال ەتىپ جاتىر. ەكى ەلدىڭ پارلامەنتتەرى توراعالارىنىڭ كەزدەسۋلەرى دە تۇراقتى تۇردە ءوتىپ ءجۇر. ءبىزدىڭ ەلدەرىمىز پارلامەنتتەرىنىڭ دەلەگاتسيالارى حالىقارالىق ديالوگ الاڭدارىندا ءوزارا تىعىز ءىس-قيمىل جاساپ كەلەدى», دەدى نۇرتورە ءجۇسىپ.
سەناتور پارلامەنتتىڭ جاڭا سەسسياسىنىڭ اشىلۋىندا پرەزيدەنت ۇسىنعان قازاقستاننىڭ جاڭا ەكونوميكالىق دامۋ ۇلگىسى تۋرالى دا ايتىپ بەردى. دەپۋتات جاڭا باعىتتىڭ باسىمدىقتارى ادىلدىك, ينكليۋزيۆتىلىك جانە پراگماتيزم دەپ جاريالانعانىن اتاپ ءوتتى.
ۆاگارشاك اكوبيان ءىس-شارا سوڭىندا ارمەنيانىڭ قازاقستانمەن ىنتىماقتاستىقتى جوعارى باعالايتىنىن, سونداي-اق ەكىجاقتى قارىم-قاتىناستى نىعايتۋعا بەلسەندى ىقپال ەتۋگە دايىن ەكەنىن اتاپ ءوتتى.
