كونتسەرتتەن سوڭ مەيرامحانادا سايات مەدەۋوۆتىڭ ونەردەگى ارىپتەستەرى مەن جاقىندارى داستارحاندا باس قوستى. وسى سالتاناتتى جيىندا انشىگە شوۋ-بيزنەس وكىلدەرى كولىكتىڭ كىلتىن سىيلادى.
"نەگىزى و باستا "كەشىڭدى وتكىز. ءبىز قول ۇشىن سوزامىز" دەپ قولقا سالعان مەيرامبەك بەسباەۆ پەن سەرجان مولداسان دوسىم بولاتىن. جىگىتتەر سوزىندە تۇرىپ, باستان-اياق ۇيىمداستىرۋشىلىق جاعىن جايلاستىردى. نەگىزى باياعىدا ءبىر تۋعان كۇنىمىزدە مەيرامبەك ء"بىر-بىرىمىزگە سىيلىق جاساماي-اق, سانىمەن سىيلاسىپ جۇرەيىكشى" دەگەن ەدى. بىراق, مەرەيلى جاس بولعان سوڭ با, مەيرامبەكتىڭ باستاماسىمەن دوس-جاراندارىم جيىلىپ, كولىك مىنگىزۋدى ءجون كورىپتى", - دەدى سايات مەدەۋوۆNEGE.KZ سايتىنا.
سونىمەن قاتار ءانشى ونەردەگى ارىپتەستەرىنىڭ بۇل سىيىنا شەكسىز العىسىن بىلدىرگەن.
"نەگىزى ەشقانداي سىي-سياپاتسىز سول كەشتە قول سوعىپ وتىرىپ, ادەمى وتۋىنە اتسالىسسا دا ريزا بولار ەدىم. سويتسەم, ولار وسىنداي توسىنسىي ازىرلەپتى. جالپى, كەشىمنىڭ جوعارى دەڭگەيدە وتۋىنە اتسالىسقان بارلىق جانعا العىس ايتامىن. "جاياۋدىڭ شاڭى شىقپاس" دەگەندەي, جالعىز-جارىم ءوزىم جۇگىرسەم ەشتەڭە تىندىرا الماس ەدىم", - دەدى سايات مەدەۋوۆ.
