تۇركىستان وبلىسى پد كريمينالدىق پوليتسيا باسقارماسىنىڭ قىزمەتكەرلەرى “كيبەرقىلمىسپەن كۇرەسكە ارنالعان باعدارلاما” جوسپارىن ىسكە اسىرۋ شەڭبەرىندە جەدەل-ىزدەستىرۋ ءىس-شارالارىن جۇرگىزىپ, بۇرىن بىرنەشە رەت سوتتى بولعان, قازاقستان اۋماعىندا بىرقاتار قىلمىستار جاسادى دەپ كۇدىككە ىلىنگەن 31 جاستاعى ەر ادامدى ۇستادى.
"جامبىل وبلىسىنىڭ تۇرعىنى قىلمىستى الدىن الا جوسپارلاپ, كەز كەلگەن ءوتىپ بارا جاتقان ادامداردان قوڭىراۋ شالۋ ءۇشىن تەلەفوندارىن سۇراپ الىپ, سودان كەيىن جاسىرىنىپ وتىرعان. ول ۇرلاعان تەلەفونداردى ءىرى قالالاردىڭ بازارلارىندا ساتىپ, اقشانى ءوز قاجەتتىلىگىنە جۇمساعان", دەپ جازدى قۇزىرلى ورگاننان.
بۇگىنگى تاڭدا پوليتسەيلەر كۇدىكتىنىڭ تۇركىستان وبلىسىندا جاسالعان 10 الاياقتىق قىلمىسى مەن 1 اۆتوكولىك ۇرلاۋ فاكتىسىنە قاتىسى بار ەكەنىن دالەلدەدى.
