Massaget.kz ءتىلشىسىنىڭ مالىمەتىنشە, ناۋقاس ەمدەلۋگە اقشا تاپپاي ءجۇر.
"جاعدايىمدى كىمگە بارىپ, ايتا بەرەيىن؟ مەيلى وبلىستىڭ دارىگەرلەرى بولسىن, شەندىلەرى بولسىن, ەشقايسىسى دەنساۋلىق جاعدايىمدى سۇراپ جاتقان جوق. ەمدەلۋ ءۇشىن, وتا جاساتۋ ءۇشىن, قوماقتى اقشا كەرەك. ازىن اۋلاق مالعا قاراپ وتىرعان مەن سياقتى ادامعا بۇل از قاراجات ەمەس", - دەيدى نۇرجان.
بۇگىندە نۇرجان مال باعۋدان بولەك, تويلاردا ءان ايتىپ, ناپاقا تاۋىپ جۇرگەنىن ايتتى.
ء"وزىم تۇراقتى جۇمىس ىستەيتىن اسابام بار. دەمالىس كۇندەرى تاپسىرىس كوپ تۇسەدى. اتىراۋدىڭ باسى, كەيدە اقتاۋعا بارىپ ءجۇرمىن. مۇگەدەكتىككە بايلانىستى الىپ وتىرعان جاردەماقىم توقتاپ قالدى. اتىراۋداعى قۇزىرلى ورگان "جۇمىسقا جارامدىسىڭ" دەيدى. اۋدان "جارامسىزسىڭ" دەيدى. دارىگەرلەرگە قارالايىن دەسەم, "مەد ساقتاندىرۋىڭ جوق" دەيدى. سونىمەن, جاردەماقى جاعىن قايتا راسىمدەۋ ماسەلەسى تۇسىنىكسىز كۇيىندە قالىپ وتىر" - دەيدى نۇرجان.
وسىدان ءبىراز جىل بۇرىن شاڭىراق كوتەرگەن نۇرجان جۇبايىمەن ءدام-تۇزى جاراسپاي, ەكى جاققا كەتكەنىن ايتتى.
"قازىر بويداقپىن. بىراق, ءالى دە بولسا ءۇمىتىم بار", - دەيدى نۇرجان.
بۇگىنگى تاڭدا نۇرجان اتىراۋ وبلىسىنا قاراستى ءوزى تۋىپ-وسكەن مۇقىر اۋىلىندا تۇرىپ جاتىر.
ەسكە سالا كەتسەك, نۇرجان وركەشباەۆ تۋرالى 2000-جىلدارى العاش ايتىلا باستادى. ول كەزدە نۇرجان نەبارى 10 جاستا بولاتىن. نۇرجان تۋرالى باق كەڭىنەن جازا باستاعاننان كەيىن ەرتە قارتايعان بالا رەسەي, گەرمانيا ەلدەرىنىڭ بىرقاتار كلينيكاسىنا بارعان. بىراق ايگىلى كلينيكالار نۇرجاننىڭ دنق ساراپتامالارىن تەكسەرگەننەن باسقا ەم كورسەتە المادى. كەيىن جاپونيانىڭ پروفەسسورلارى نۇرجانعا زەرتتەۋ جۇرگىزدى.
