فوتو: ۆيدەوسكرين
دەپۋتاتتىڭ ايتۋىنشا پاراسپورتشىلار ازيا ويىندارىندا 8 التىن, 12 كۇمىس 21 قولا الىپ, 11-ورىنعا تۇراقتاعانىمەن, پاراسپورتشىلار ءالى كۇنگە دەيىن ديسكريميناتسياعا ۇشىراپ وتىر.
«سوڭعى 4 جىلدا مۇگەدەكتىگى بار جاندارعا 8-اق ملرد, ال مۇگەدەكتىگى جوق جاندارعا 300 ملرد-تان استام تەڭگە بولىنگەن. الەۋمەتتىك عيماراتتار بارلىق ادامدارعا جاقسى جاسالعان, 40 پايىز دەپ ۇلتتىق باعدارلامادا ايتادى. بىراق اتالعان تسيفر سايكەس كەلمەيدى. ويتكەنى, اتىراۋداعى سپورت كەشەنىنىڭ تاپسىرىلماعانىنا 3 جىل بولدى, 30 پايىزى عانا جاسالعان», دەدى دەپۋتات.
«ودان دا زورىن ايتسام – IV پارا ازياداعى سپورتقا بولىنگەن اقشا كەلمەگەن, اربادا وتىرىپ تەننيس وينايتىندار وزدەرىنە اربالارىن جالعا العان. پاراحوككەي سپورتىنداعى ازاماتتاردىڭ دا ءالى كۇنگە دەيىن ماسەلەلەرى شەشىلمەگەن», دەپ قوستى س.كەنجەعۇل.
سەيىتجان كەنجەعۇل ءوزى دە پاراۆەلوسپورتتان كاسىبي سپورتشى. ونىڭ ايتۋىنشا تۋريستىك ۆەلوسيپەد ساتىپ الىپ, وزدەرىنىڭ قارجىسىنا بارىپ, قازاقتىڭ بايراعىن كوتەرۋگە اتسالىسقان.
«بۇل – ۇلكەن ديسكريميناتسيا دەپ ەسەپتەيمىن. دەپۋتاتتىق مارتەبەمدى پايدالانىپ ءارتۇرلى سپورت ازاماتتارىنا ايتقاننىڭ وزىڭدە دە ءالى كۇنگە دەيىن ماسەلەلەر شەشىلمەدى», دەدى دەپۋتات.
دەپۋتات اتالعان ماسەلەلەردى ايتا كەلە, ناقتى سۇراقتارىن العا تارتتى.
«اتىراۋداعى سپورت كەشەنى ماسەلەسى شەشىلسىن جانە جاستارعا ارنالعان سپورت كەشەنى دۇرىستالسىن دەيمىز. ودان كەيىنگى ەڭ ۇلكەن ماسەلەمىز, ۋاقىت كەلدى, پاراسپورتشىلاردىڭ بولەك كوميتەتى بولۋىن سۇرايمىز», دەپ تۇيىندەدى قازاقستان حالىق پارتياسىنىڭ فراكتسياسىنىڭ مۇشەسى سەيىتجان كەنجەعۇل.
