باسقوسۋدا قارجى سالاسىنىڭ ناقتى سەكتوردى دامىتۋداعى ءرولى, سونداي-اق نارىق الدىندا تۇرعان سىن-قاتەرلەر مەن مۇمكىندىكتەر جايى ساراپتالىپ, وسى ماسەلەلەرگە باسىمدىق بەرىلدى. قوناقتاردىڭ قاتارىندا قازاقستان قارجى سەكتورىنىڭ بارلىق دەرلىك ەليتاسى, ونىڭ ىشىندە ۇلتتىق بانكتىڭ 1993 جىلدان بەرگى بارلىق توراعالارى, سونداي-اق العاشقى تەڭگە ديزاينىنىڭ اۆتورى مەڭدىباي الين, مەملەكەت قايراتكەرى باقىتجان ساعىنتاەۆ, قارجى ءمينيسترى ەرۇلان جاماۋباەۆ, ەكونوميستەر جانە قارجىگەرلەر قاتىستى.
فورۋم جۇمىسىنا قاتىسقان ۇب توراعاسى تيمۋر سۇلەيمەنوۆتىڭ ايتۋىنشا, ۇلتتىق بانك رەتتەۋشى ورتانى جانە قارجىلىق ينفراقۇرىلىمدى جەتىلدىرەدى. «سىرتقى كاپيتال نارىقتارىمەن بايلانىس ارنالارىن كۇشەيتەمىز. قازاقستاننىڭ قور بيرجالارىنىڭ الەۋەتىن بىرىكتىرەمىز. ءبىز قارجىلىق تەحنولوگيالاردى جان-جاقتى قولدايمىز. وڭىرلىك قارجى ورتالىقتارى رەتىندە الماتى مەن استانانى دامىتۋدى جالعاستىرامىز», دەدى ول.
كونگرەستىڭ پانەلدىك وتىرىستارىندا شەتەلدىك ورتالىق بانكتەر مەن قارجى ينستيتۋتتارىنىڭ باسشىلارى, وتاندىق مەملەكەتتىك ورگاندار مەن قارجى ۇيىمدارىنىڭ وكىلدەرى ماكروەكونوميكالىق ساياسات پەن قارجى سەكتورىنىڭ وزەكتى ماسەلەلەرىن تالقىلادى.
كونگرەسس ۇلتتىق ۆاليۋتا كۇنىنە جانە قازاقستان قارجىگەرلەرىنىڭ كاسىبي مەرەكەسىنە ورايلاستىرىلعان.
