ونىڭ پايىمىنشا, ادامدار ءتۇستى كوبىنە تاڭعا قاراي كورەدى جانە جامان تۇستەردى توڭىپ جاتقان كەزدە كورەدى.
"بۇرىنعى تراۆمالار جامان ءتۇس رەتىندە كورىنەدى. مەندە مىسالى ەمتيحاندار مەن پاتەر ىزدەۋلەر. ابدەن جانىما باتىپ كەتكەندەر.
ءبىر جەرگە ۇلگەرمەي, اۆتوبۋس-پويىزدان قالىپ قويىپ جاتقاندار دەدلاينعا ۇلگەرمەي جۇرگەندەردىكى.
جالپى ءتۇس دەگەن كۇندىزگى ويلاردىڭ مي قىرتىستارىندا قالىپ قويعان جالعاستارى. ەشقانداي ماعىنا ىزدەۋدىڭ قاجەتى جوق", دەيدى بلوگەر.
ارشات وراز ولگەن كىسىلەرمەن سويلەسۋ, ايان بەرۋ دەگەندەر البەتتە وتىرىك نارسەلەر دەگەن پايىمدا. ءجاي عانا ادامنىڭ تۇسىندەگى قيال ويلارى.
جازباعا قاتىستى كوپشىلىك تە ويلارىن ورتاعا سالعان. "مەن قامالىپ قاپ جاتامىن. كلاۋستروفوبيادان بولۋى كەرەك", "مەن جۇرەگىم زۋىلداپ, بيىك عيماراتتان تومەنگە قۇلايمىن دا جۇرەم. ەڭ جەك كورەتىنىم سول", "ايان بەرۋ بار عوي, سەنەمىن. سوڭعى كەزدە تۇسىمدە ءتۇرلى يتتەردى, سوسىن ۇيلەنىپ جاتقان جاس جۇبايلاردى كورەمىن", "تۇسىمدە جيەن جەڭەشەمدى, قايتىس بولعان اپكەم ەرتىپ بارادى ەكەن, تاڭەرتەڭ جەڭگەم قايتىس بولدى دەگەن حابار الدىق", دەپ جازعان جەلى قولدانۋشىلارى.
