الەۋمەتتىك جەلىدەگى پاراقشاسىنداعى جازباسىندا زاينۋتدينوۆ الدىمەن تۇرىك تىلىندە: «قولداۋلارىڭىز ءۇشىن كوپ راحمەت!» دەگەن.
سودان كەيىن ول قازاقستان حالقىنا: «بارشاڭىزعا جىلى لەبىزدەرىڭىز ءۇشىن شەكسىز العىسىمدى ايتامىن! جىگىتتەرگە ۇلتتىق قۇرامانىڭ ماڭىزدى ماتچتارىندا تەك ساتتىلىك تىلەيمىن! العا!» دەگەن تانىمال فۋتبولشى.
ايتا كەتەيىك, 12 قاراشادا تۇركيا سۋپەرليگاسىنىڭ اياسىندا ستامبۇلدىڭ باشاكشەحير كلۋبىنا قارسى ويىندا قازاقستاندىق ويىنشى قارسىلاسىمەن سوقتىعىسىپ, مۇرىن سۇيەگى مەن كوزىن جاراقاتتاپ العان بولاتىن.
وسىلايشا, باحتيەر ەۋرو-2024 ىرىكتەۋ كەزەڭىندەگى سان-مارينو جانە سلوۆەنيامەن بولاتىن شەشۋشى ويىنداردا ۇلتتىق قۇرامامەن الاڭعا شىعا المايتىن بولدى.
