يننوۆاتسيالىق ەمدەۋ ادىستەرى

مەموراندۋم اياسىندا تاراپتار ەلىمىزدەگى ونكولوگيالىق, گەماتولوگيالىق, پسيحيكالىق, ايتۆ, اۋتويممۋندىق اۋرۋلار سياقتى الەۋمەتتىك ماڭىزى بار اۋرۋلاردى ەمدەۋدى جەتىلدىرۋ بو­يىنشا بىرلەسىپ جۇمىس ىستەۋ­گە نيەتتى. بۇل باعىتتاعى باسىم­دىق مەديتسينالىق قىزمەت كور­سەتۋ ساپاسىن ارتتىرۋعا جانە پا­تسيەنتتەردى ساپالى, ءتيىمدى ءدارى-دارمەكتەرمەن قامتاماسىز ەتۋگە باعىتتالادى. وسىعان قوسا تاراپتار الەۋمەتتىك ماڭىزى بار اۋرۋلاردىڭ زاماناۋي تەراپياسى ماسەلەلەرىندە دەنساۋلىق ساقتاۋ ماماندارىنىڭ ءبىلىم دەڭگەيىن ارتتىرۋ ءۇشىن عىلىمي ءبىلىم بەرۋ باعدارلامالارىن ازىرلەۋگە جانە پاتسيەنتتەردىڭ يننوۆاتسيالىق تە­راپياعا قولجەتىمدىگىن جاق­سارتۋعا نازار اۋدارادى.
«يانسسەن» كومپانياسى نا­رىقتا 10 جىلدان بەرى مەديتسينا قاۋىمداستىعىن يممۋندىق-مەديتسينالىق اۋرۋلار, ونكولوگيا, گەماتولوگيا, ورفاندىق اۋرۋ­لار, پسيحياتريالىق جانە جۇق­پالى اۋرۋلار (ايتۆ) سياقتى الەۋ­مەت­تىك ماڭىزدى جانە سوزىل­ما­لى اۋرۋلاردى ەمدەۋ ءۇشىن قا­جەتتى يننوۆاتسيالىق تەراپيامەن قامتاماسىز ەتەدى. كومپانيا ەلدە جۇمىس ىستەي باستاعان تۇستان بەرىگە دەيىن ونىڭ پەرەپاراتتارىمەن 250 مىڭنان اسا ناۋقاس ەمدەلگەن. قازىر مەملەكەتتىك ەرىكتى مەديتسينالىق كومەك اياسىندا جانە مىندەتتى مەديتسينالىق ساقتاندىرۋ جۇيەسىندە 30 مىڭعا جۋىق پاتسيەنت ەمدەلىپ جاتىر. سونىمەن قاتار الەۋمەتتىك ما­ڭىزى بار جانە ورفاندىق اۋرۋلارى بار پاتسيەنتتەر ءۇشىن 15 باعىت بويىنشا كومپانيا پرە­پاراتتارىنىڭ 25 ءتۇرى قولجەتىمدى. بۇعان قوسا كومپانيا اتاۋلى كو­مەكتىڭ 40-قا جۋىق جوباسىن ىسكە اسىرعان. سايكەسىنشە, ەلدىڭ 15 وڭىرىندە 125-تەن اسا پاتسيەنت ەمدەلگەن.
«Johnson & Johnson» بولىم­شەسى, يانسسەننىڭ تمد ەلدەرى بو­يىنشا ديرەكتورى ادىلەت نازارباەۆتىڭ ايتۋىنشا, يانسسەن بۇرىن ەمدەلمەيتىن اۋرۋلاردى ەمدەۋ تاسىلدەرىن تۇبەگەيلى وزگەرتەتىن دارىلىك پرەپاراتتاردى زەرتتەۋ مەن ازىرلەۋگە ينۆەستيتسيا تارتىپ, باسىمدىق بەرىپ وتىر. ماسەلەن, بىلتىر كومپانيا وسى ماقساتتارعا 14,6 ملرد دوللاردان اسا قاراجات جۇمساعان. وسى تەراپەۆتىك يننوۆاتسيالاردىڭ كوپ­شىلىگى ەلدەگى پاتسيەنتتەر ءۇشىن دە قولجەتىمدى.
– مەديتسينادا الەۋمەتتىك ما­ڭىزى بار اۋرۋلاردى ەمدەۋگە ارنالعان يننوۆاتسيالىق قۇرالدار مەن تەراپيانىڭ قولجەتىمدى بولۋى ماڭىزدى. بۇل – پاتسيەنتتەردىڭ ءومىرىن ساقتاپ, ولاردىڭ ءومىر ءسۇ­رۋ ساپاسىن ايتارلىقتاي جاق­سارتۋعا سەپتەسەتىنى بەلگىلى. سو­نىمەن قاتار دەنساۋلىق ساقتاۋ سالاسىنىڭ ەكونوميكالىق دامۋى­نا اسەر ەتەتىن يننوۆاتسيالىق ەمدەۋ ادىستەرى ەكەنىن دە ەستەن شى­عارماۋ كەرەك. ءبىزدىڭ تۇپكى ماقساتىمىز – پاتسيەنتتەردىڭ ءومىر ءسۇرۋ ساپاسىن جاقسارتۋ ءۇشىن مەملەكەتتىك ورگاندارمەن, مەديتسينا قاۋىمداستىعىمەن بىرلەسىپ جۇمىس ىستەۋ, كۇش بىرىكتىرۋ, – دەپ ءتۇسىندىردى ءا.نازارباەۆ.